Todos os anos ao chegar estas datas facíamos unha das nosas actividades preferidas: O APADRIÑAMENTO LECTOR. O curso pasado xa foi diferente e foron as familias as que fixeron de padriños e madriñas para lerlle aos nenos e nenas nas súas casas.
Este ano, tamén tivemos que realizalo de forma diferente ao non poder xuntarnos e ter que manter as aulas "burbulla": fixemos un apadriñamento virtual.
Os alumnos e alumnas de 4º, 5º e 6º de primaria foron os padriños e madriñas que lles leron aos máis pequenos do cole diferentes contos que previamente gravaron nun vídeo e que logo foron proxectados nas diferentes aulas.
A experiencia resultou moi positiva, pero esperamos o vindeiro curso facelo ao xeito "antigo" para que a actividade resulte máis entrañable e os afillados e as afilladas gocen sentindo a cercanía do seu padriño ou da súa madriña e viceversa.
Aquí tedes os contos que se gravaron e proxectaron. Dos deles fan referencia ao CAMIÑO DE SANTIAGO, dado que este é o tema do noso proxecto anual.
Xa temos aquí o vídeo co resumo das imaxes que nos fostes mandando da actividadeAPADRIÑAMENTO LECTOR NA CASA que celebramos con motivo do DÍA MUNDIAL DO LIBRO.
Grazas a todos por participar e xa sabedes, un libro axúdanos a levar mellor esta situación na que nos atopamos. Todos os días debemos gardar un tempo para o noso momento de lectura, xa sexa sós ou acompañados.
Con motivo da celebración do DÍA MUNDIAL DO LIBRO, a gran contadora de historias e actriz SABELA GAGO, envíoulles a todos os nenos e nenas do colexio un estupendo agasallo: un vídeo contándonos unha simpática historia de XOÁN BABARRO:
GRAZAS SABELA POR ACORDARTE DE NÓS E FACERNOS GOZAR COAS TÚAS HISTORIAS!!
Cada lbro que lemos queda gardado no
noso peito como semente, paxaro ou xabarín
Ola lectores!!
O vindeiro 23 de abril celebramos ODía Mundial do Libro e dos Dereitos do Autor, este ano temos que celebralo dunha maneira diferente, "na casiña coa nosa familia", usaremos o poder da lectura para combater o illamento, para estreitar os vínculos entre as persoas da nosa casa e para espertar a nosa imaxinación e o noso desexo de coñecer o que sucede ao noso arredor.
Durante o tempo de confinamento é fundamental tomarse un tempo para ler coa nosa familia para celebrar a importancia da lectura e para fomentar e promover o amor á literatura.
A Consellería de Educación, Universidade e Formación Profesional editou un díptico para conmemorar este día, recurrindo ao xornalista e divulgador da cultura galega Manuel Gago. Se queredes coñecer o Díptico e o texto elaborado polo autor picade no seguinte enlace:Día mundial do libro.
No seguinte video podemos ver un resumo do porqué da celebración desta data:
Como conmemoramos este día o pasamento do noso escritor Miguel de Cervantes, no seguinte vídeo tedes un repaso da súa vida:
Estas son algunhas das propostas do Equipo da Biblioteca para este día: - Podedes realizar as seguintes actividades LIM:
- Para Educación Infantil e 1º de Primaria realizamos o seguinte xogo de adiviñas sobre os libros que traballaron nas aulas:
DÍA MUNDIAL DO LIBRO 2020 (A idea orixinal desta actividade recollémola da BIBLIOTECA DO CEE INFANTA ELENA)
- Apadriñamento lector na casa:
Igual que no cole, cando celebramos o apadriñamento lector, os nenos e nenas maiores porfillan aos nenos e nenas máis pequenos léndolles un libro, agora imos facer o mesmo pero cada un na súa casa e coa súa familia. Aos nenos e nenas de infantil, 1º, 2º e 3º de primaria que alguén da casa (será o seu padriño lector) lle lea un libro. Os rapaces e rapazas de 4º, 5º e 6º de primaria serán os padriños e leranlle un libro aos irmáns pequenos, se os hai na casa, ou as persoas maiores coas que convivan.
Sería estupendo que nos mandarades fotos da actividade: unha foto do libro ou libros que ides ler e outra onde se vira ao neno/nena escoitando ou lendo a historia. - Recomendacións literarias: Invitamos aos maiores do colexio a que nos recomenden as súas lecturas favoritas para estes días e que fagan unha gravación explicándonos o motivo da súa predilección.
As fotos e os vídeos podedes envialos aos seguintes enderezos electrónicos:
bibliotecaalbinonunez@gmail.com
ceip.albino.nunez@edu.xunta.gal
Esperamos que vos animedes e, sobre todo, que os libros estén presentes todos os días que nos toca QUEDAR NA CASA.
Seguimos celebrando o mes de abril coa lectura de diferentes libros aos nenos máis pequenos do cole.
Esta vez os alumnos de 4ºA, Hugo e Ainhoa, foron á clase de 4º de infantil para ler con todos o libro: "A Toupiña que quería saber quen lle fixera aquilo na cabeza ".
Despois de ler o libro e de observar as diferentes láminas fixeron cos nenos xogos de memoria que tiñan preprados.
Ao longo desta semana , para conmemorar o Día Internacional do Libro Infantil e Xuvenil, desenvolveranse , na hora de ler, nas clases de infantil sesións de lectura na que nenos e nenas de primaria lle lerán aos nenos e nenas de infantil os libros que seleccionamos .
África, unha alumna de 1º de Primaria, leulle aos nenos e nenas de 5º de Infantil o libro: "Te Quiero Abuelo". Todos estiveron moi atentos e participaron na lectura comentando as súas historias cos seus avós. Ao rematar todos debuxaron o que lles gusta facer co seu avó. Os debuxos estarán expostos no corredor da biblioteca na sección As Nosas Lecturas. Pasade a mirar que artistas son todos eles.
E velaiquí o resumo dalgunha das actividades realizadas con motivo da celebración DA SEMANA DO LIBRO:
- V APADRIÑAMENTO LECTOR: Xa un clásico no noso centro, actividade demandada polos nenos e nenas, pequenos e maiores, aos que lles encanta compartir este momento de lecer no que todos se senten un pouco protagonistas e importantes. Uns por ser os "padriños" que contan e ensinan aos máis pequenos, querendo captar a súa atención e querendo sacarlles un sorriso ou unha mirada de admiración ou asombro coa historia que lles están relatando. E os "afillados" porque se senten queridos e amparados por un "maior", compartindo entre os dous un momento especial no que se fomentan as relacións interpersoais. Como, tamén un ano máis o tempo quixo acompañarnos, os nenos e nenas repartíronse ao longo do patio do centro: na zona verde do patio dianteiro, na zona da entrada, nos patios cubertos posteriores e na pequena carballeira coa que contamos.
- EXPOSICIÓN DE LIBROS ANTIGOS: Enlazando co proxecto documental integrado que levamos a cabo este curso no que facemos especial fincapé no noso patrimonio tanto monumental, coma cultural ou inmaterial, organizamos unha exposición sobre libros antigos. Moitos foron aportados por distintos membros da nosa comunidade educativa e outros forman parte dos fondos da nosa biblioteca onde contamos cunha sección que chamamos "HISTÓRICA" na que imos xuntando aqueles libros que consideramos xa demasiado antigos para ser expostos nos andeis de lectura, pero que polas súas características (antigüidade, temática, rareza...) consideramos que debemos "salvar" e gardar como curiosidades.
Tamén en relación co noso proxecto "AUGA, PEDRA, SABEDORÍA E PEDRA" e os ENCONTROS 4X (4 XERACIÓNS) realizamos a actividade ”TESOUROS DE PAPEL”. Para desenvolver esta actividade convidamos ás familias dos cativos de Educación Infantil a que viñeran á escola para lerlles ou contarlles un conto aos nenos e nenas da aula na que está o seu fillo ou filla.
A partir desta actividade xurdiu outra, que nos animou a descubrir o conto ou o libro preferido dalgún membro da nosa familia, ese texto que leu fai moitos anos e nunca puido esquecer.
E así foron chegando diferentes pais e nais, avoas que traian os seus TESOUROS DE PAPEL para presentalos na escola, ante a atenta mirada de todos e todas que non perderon detalle...
Achégase o Día Internacional do Libro e dos Dereitos de Autor, unha conmemoración celebrada a nivel internacional co obxectivo de fomentar a lectura. Se queredes coñecer a historia desta data picade no seguinte enlace DÍA DO LIBRO.
- Ao longo de toda a semana celebraremos diferentes actividades para conmemorar este día: Seguindo co noso proxecto Auga, Pedra, Sabedoría e Terra en colaboración co equipo de Voz Natura faremos unha exposición de libros Antigos na entrada do colexio.
- No corredor da biblioteca temos a vosa disposición unha selección de libros para que gocedes coa súa lectura. - Ao longo de toda a semana os pais e nais de infantil acudirán as clases na hora de lerpara contarlle e lerlle aos nenos mais cativos do cole un libro.
- Nesta semana , coincidindo co Día Internacional da Solidaridade Interxeneracional, os nenos e nenas de 4º de EP acudirán á Residencia Fogar de San Amaro, para acompañar ás persoas maiores cun agradable momento de lectura . - O día 23 celebraremos, como todos os anos, unha actividade que a todos vos encanta: O Apadriñamento Lector, aproveitando calquera recuncho do patio os nenos dos cursos superiores leranlle libros aos máis pequenos. Se picades no seguinte enlace atoparedes recursos para celebrar este día: RECURSOS Disfrutade coa letra da canción do Día do Libtro de Paco Nogueiras:
E coa canción interpretada por Pablo Díaz na presentación do libro-Disco Tic Tac:
BIBLIOPATIO: O xoves, dúas das nosas axudantes, baixaron, na hora do recreo, ao patio de Infantil un carro engalanado e cheo de libros para que os nenos de infantil gocen da lectura, este xoves foi a quenda dos nenos de 5º de Infantil
TRABALLO DE INVESTIGACIÓN: Librín quere saber mais cousas de Gloria Fuertes, a poeta que homenaxeamos co gallo do seu centenario, para elo invita a todos os nenos que investiguen e busquen a información que aparece a continuación:
O dia 23 de abril celebramos o DÍA INTERNACIONAL DO LIBRO, unha celebración que pretende fomentar o pracer pola lectura, principalmente entre a xente máis nova, e respectar a contribución dos escritores ao progreso social e cultural.
As BIBLIOTECAS escolares Galegas celebran o DÍA DO LIBRO deste ano cun canto á poesía, da man da poeta galega ROSALÍA FERNÁNDEZ RIAL que nos agasallou cun poema inédito especialmente creado para celebrar a lectura, o libro, a maxia da palabra.
O Equipo da Biblioteca quere facer neste día unha homenaxe, polo centenario do seu nacemento, á escritora GLORIA FUERTES desenvolvendo diferentes actividades en torno a súa poesía.
Para empezar a coñecela ollade as seguintes presentacións que nos falan da súa vida e das súas obras:
Podemos coñecer a súa obra realizando as actividades que se propoñen na seguinte unidade:
Tamén temos previsto realizar outras actividades das que facemos un pequeno avance:
1. APADRIÑAMENTO LECTOR: Como todos os anos os padriños e madriñas recollerán aos seus afillados e levarannos ao patio, para lerlles o libro que elexiron con tanto esmero.
2. Sesión de CONTACONTOS coa técnica do KAMISHIBAI: Tres alumnas de 5º de Primaria adaptaron o conto Lola quere ir á Lúa-
3. OBRADOIROS de elaboración de marcapáxinas
4. BIBLIO-PATIO: Durante toda a semana, na hora do recreo, os axudantes levarán ao patio unha selección de libros.
Comeza o mes de abril coa celebración do DÍA INTERNACIONAL DO LIBRO INFANTIL, unha data que se celebra todos os dous de abril desde o ano 1967 para conmemorar o nacemento de Hans Christian Andersen, data promovida pola Organización Internacional del Libro Juvenil (IBBY) para promocionar os bos libros infantís e xuvenís e a lectura entre os mais cativos. Coma todos os anos a organización IBBY, a súa sección española OEPLI e outras entidades colaboradoras editan un cartel cunha imaxe e unha mensaxe especialmente diseñada para este día. Este ano a sección IBBY de Rusia foi a encargada de elaborar o cartel ( que aparece na imaxe), o texto (dun escritor ruso) fala da importancia do libro como acompañante imprescindible no proceso de maduración persoal ao longo da vida, e do pracer que o libro e a lectura proporcionan. A través da seguinte animación, realizada porTomas Bases, podedes coñecer a figura de Hans Christian Andersen:
No seguinte video fannos un resumo da vida e obra deste autor:
Se picades no seguinte enlace podedes coñecer a biografía de Hans Christian Andersen e as súas principais obras: HANS CHRISTIAN ANDERSEN
Para achegarvos á figura de Hans Christian Andersen o equipo da biblioteca invítavos a facer as actividades interactivas que aparecen no seguinte enlace elaborado polo CEIP Mestre Goldar de Vigo:Coñecendo a Andersen Estas son algunhas das súas obras;
Seguindo coas actividades realizadas na biblioteca para celebrar o Día do Libro, as alumnas Adela e Lola agasallaron aos nenos e nenas de 4º de Educación Infantil coa lectura e a interpretación do libro Érase una vez Don Quijote. Foi unha actividade moi interesante e os nenos pasárono moi ben.
.jpg)
