jueves, 22 de diciembre de 2016

FELICITACIÓN

O EQUIPO da BIBLIOTECA deséxalle a toda a COMUNIDADE EDUCATIVA unhas felices festas de Nadal e que  o Novo Ano, que xa nos está agardando, veña cargado de boas novas e felices lecturas.
BO NADAL!!!!




CARTAS APALPADOR

O Equipo de Dinamización da BIBLIOTECA en colaboración co Equipo de Dinamización da Lingua Galega participa cumhas cartas moi emotivas , escritas polos nenos do cole,  no CONCURSO CARTAS AO APALPADOR  que se celebrará na Coruña o 31 de decembro. Estade atentos para saber o resultado.
MOITA SORTE!!!


Lede as cartas, seguro que vos gustan!!!


sábado, 17 de diciembre de 2016

RECOMENDACIÓNS LIBROS

O EQUIPO DA BIBLIOTECA  fixo esta selección de libros para que nestas festas...VIVADES COA LECTURA  A  MAXIA DO NADAL!!! Botádelle unha ollada..! Merece a pena!


CONTACONTOS


As alumnas de 5º de primaria Isamar Lamelas e Ariadne Franco escolleron o libro "A CAIXA MÁXICA" para lérllelo aos nenos máis cativos do cole na hora de lectura. 
Acompañaron a lectura do libro cunha presentación  Power Point , na pizarra dixital, das láminas do libro.
Os nenos mostraron moito interese e participaron con xestos e movementos na lectura do libro.
Foi unha actividade que deixou moi satisfeitos tanto as nenas que leron o libro como aos nenos que o escoitaron.
Esperamos repetir esta experiencia moitas mais veces ao longo do curso.



a caixa máxica - Kizoa Editar Videos - Movie Maker

jueves, 15 de diciembre de 2016

COÑECENDO AO APALPADOR

En Galicia temos unha personaxe típica do Nadal: " O Apalpador" ou "Pandingueiro", un carboeiro grande e barbudo que, no mes de Nadal, abandona a montaña na que vive e baixa a todas as aldeas a visitar aos nenos para deixarlles castañas e algúns agasallos.
Se queredes coñecer máis cousas deste mítico personaxe podedes consultar os seguintes enlaces:
WEB APALPADOR
RECURSO

Podedes divertirvos coas seguintes actividades LIM:
ACTIVIDADES CONTO
ACTIVIDADES LIM
ACTIVIDADES APALPADOR

Podedes coñecer a súa historia ollando os seguintes videos:







miércoles, 14 de diciembre de 2016

CHEGA O NADAL

Xa chega  o NADAL e con el o tempo de lecer, de ledicia,  de regalos, de xuntanzas,  de  adornar as  casas, as rúas , o colexio .... As campás, os anxos, as estrelas, as luces de cores son algúns dos adornos que , nestas datas nos envolven nun clima cálido, familiar e festivo.
Pero, que significado teñen todos estes adornos que con tanta ilusión colocamos nas paredes,  portas e fiestras? Se picades no seguinte enlace saberedes cal é o significado dos diferentes adornos do Nadal. 
SIGNIFICADO ADORNOS

Ou vendo este video  que fala do seu significado :



Tamén é tempo de sentarse a unha mesa para saborear comidas típicas do Nadal. O seguinte enlace convídanos a darlle unha volt ao mundo, pero ao redor dunha mesa, para así coñecer os pratos de Nadal mais tradicionais: 
Se queredes coñecer receitas típicas e de  sobremesa do Nadal españolas, tal e como se propón no  PLAN ANUAL DE LECTURA,  picade nos seguintes enlces: 
SOBREMESAS

Neste libro aparecen receitas  típicas do Nadal, moi sinxelas, para que practiquedes nestas festas:


BIBLIOTECA xa está preparada para celebrar estas festas do NADAL:  a porta, decorada para a ocasión, convídanos a entrar,  recrear a vista cos adornos colgados no teito e nas paredes e disfrutar da maxia da lectura de todos os libros seleccionados para a ocasión.



biblioteca nadal - Kizoa Editar Videos - Movie Maker

Estes son os libros seleccionados  para que disfrutedes coa MAXIA DO NADAL



viernes, 9 de diciembre de 2016

ESTE NADAL: A RECICLAR!

Dende a biblioteca tamén queremos animarvos a que vos unades á  campaña "ESTE NADAL APÚNTATE Á MOVIDA RECICLA!!". Librín e as eco-mascotas, Mundoman e Belli, queren seguir fomentando entre todos nos a necesidade de reciclar para reducir e contribuír a un mundo máis sostible. Pensan que nestas datas nas que se "dispara" o consumo, debemos contribuír á difusión de prácticas sostibles e respectuosas co medio ambiente. 

Recordamos as  DEZ RAZÓNS PARA RECICLAR  que foron expostas pola OFICINA DE SOSTENIBILIDADE da UNIVERSIDADE de LAS PALMAS de GRAN CANARIA, ou máis brevemente, resumidas en CINCO RAZÓNS  pola ORGANIZACIÓN OXFAM INTERMON. 

Todos sabemos que nestas datas non faltan as árbores de nadal por toda a cidade engalanadas con todo tipo de adornos, igual pasa coas nosas casas, co colexio...  e por que non reutilizamos materiais de refugallo que case todos temos a man: envases de plástico, de cartón, cortiza, papel, envoltorios de cores lisos e estampados, lazos que gardamos de agasallos doutros anos, bólas de plástico, pinzas, piñas que podemos recoller no monte.. ..? Con todo isto podemos facer uns estupendos adornos para a nosa árbore e/ou para calquera rincón da nosa casa e do cole, e tamén para facer agasallos a nosa familia e amigos.

Pois mans á obra, Librín, Mundoman e Belli puxeron en marcha varios talleres de reciclado no noso centro, e claro, non podía faltar un na bibioteca. Durante os recreos do mes de decembro, acoden os nenos e nenas voluntarios que queren unirse á movida recicla e están preparando un montón de adornos. Deixamósvos nas seguintes imaxes un adianto do que están facendo:












E para darvos máis ideas, deixámosvos uns cantos enlaces onde podedes visualizar un montón de manualidades coas que celebrar un NADAL un pouco máis RESPECTUOSO CO MEDIO AMBIENTE.











































viernes, 2 de diciembre de 2016

ENTREGA DE AGASALLOS

Hoxe na BIBLIOTECA todos os nenos que participaron no Concurso de Contos de Medo recibiron un diploma e un agasallo : 



premios contos - Kizoa Editar Videos - Movie Maker

A alumna de 6º curso Africa Montero recibiu un agasallo especial polo seu magnífico conto: "Mundomán rescata a Librín!




jueves, 1 de diciembre de 2016

CONTOS DE MEDO

O Equipo da Biblioteca está moi contento coa vosa resposta ao concurso de Contos de Medo. Recibimos moitos e excelentes traballos. A continuación presentamos unha representación dos contos aportados polos diferentes cursos. Reservade un anaquiño de tempo para lelos todos, seguro que o pasaredes de medo!!!!

jueves, 24 de noviembre de 2016

DÍA CONTRA A VIOLENCIA DE XÉNERO

O 25  de novembro celebramos O Día Inernacional contra a Violencia de Xénero, un día de reflexión e denuncia contra as diferentes formas de violencia que padecen as mulleres.
Se queredes coñecer cal  é a orixe desta celebración picade neste enlace VIOLENCIA CERO.
A violencia de xénero é un mal co que  desgraciadamente convivimos na sociedade;  pero este mal pódese erradicar se todos colaboramos.
Na escola pdebemos educar na igualdade e na non violencia facendo que valores como a tolerancia e o respecto sexan parte da identidade do noso alumnado.
Nos seguintes enlaces atoparedes gran cantidade de recursos para traballar neste día













lunes, 21 de noviembre de 2016

ELABORANDO RECEITAS

O Equipo da BIBLIOTECA,  en colaboracón co Equipo de Dinamización da Lingua Galega e seguindo os consellos do noso comedor 6S,  pide a colaboración de todos os nenos nenas para desenvolver, ao longo de todo o curso, o noso PLAN ANUAL DE LECTURA.

PLAN ANUAL DE LECTURA

viernes, 18 de noviembre de 2016

DEREITOS DA INFANCIA

O Día Internacional dos Dereitos do Neno celébrase o 20 de novembro , é un día dedicado a todos os nenos e nenas do mundo.
Sobre todo é un día para chamar a atención sobre a situación dos nenos mais desfavorecidos, coñecer os dereitos da infancia e concienciar ao mundo da importancia de traballar polo seu benestar e desenvolvemento.
Se queredes coñecer a historia sobre este día picade nos seguintes enlaces:
dereitos infancia
dereitos e deberes
Ou ollade este video


caderno dos teus dereitos


 Picando nos seguintes enlaces atoparedes moitas e variadas actividades para traballar neste día:
RECURSOS
BANCO RECURSOS
UNIDADE DIDÁCTICA
Caderno de traballo
ACTIVIDADES
Nos seguintes videos fálannos dos dereitos do neno






Esta é unha pequena selección de libros interesantes:



Insertar en Blog - collage />

domingo, 13 de noviembre de 2016

MERGULLÁMONOS NO MUNDO DA ARTE

Para colaborar coa actividade A ARTE NO OUTONO proposta pola EDLG do centro, o equipo da biblioteca fixo unha pequena selección de libros que acercan a arte ao mundo dos nenos dunha maneira intelixente, atractiva e divertida. Libros que ensinan a mirar,  a pensar e a fixar a atención, libros que espertan os sentidos e nos converten en espectadores activos e en ávidos lectores de historias...

ECOCONSELLOS

Xa temos expostos os vosos ecoconsellos. As ecomascotas Mundoman e Belli están   moi contentas polo voso traballo . Os murais son todos preciosos e as mensaxes moi interesantes!! Lede todas as mensaxes...Merece a pena!!!   Parabéns a todos e moitísimas grazas  pola vosa colaboración



jueves, 27 de octubre de 2016

EXPOSICIÓN DE CABAZAS

Os recreos desta semana resultaron moi laboriosos na nosa BIBLIOTECA, foron moitos os nenos e nenas que acudiron ao noso obradoiro para decorar  cabazas.


Insertar en Blog - collage

Tanto traballo deu os seus froitos!!! Sodes todos uns artistazos!!! As cabazas quedaron moi ben.
Esta é a nosa exposición

SAMAÍN NA BIBLIOTECA

Na Biblioteca xa está todo preparado para que todos disfrutedes dun SAMAÍN de moito, moito medo!!!
As bruxas, os esqueletos, as arañas,os  morcegos,,,colgan do teito e das paredes para dar ambiente e dos andeis saíron  libros que dan moito, moito medo para que todos disfrutedes da súa lectura.

Achegádevos a ela e disfrutade do SAMAÍN!!!



miércoles, 26 de octubre de 2016

CONTACONTOS


Para celebrar  o Día Internacional  das Bibliotecas Escolares, o profesor Xosé Carlos Caramés desenvolveu, cos nenos de infantil e de 1º de Primaria, unha sesión de contacontos. Esta sesión desenvolveuse o pasado martes, 25 de outubro.
Empregando a técnica do KAMISHIBAI os nenos disfrutaron co conto "O Chacal e o Ourizo", un conto saharaui  que nos fala da importancia do traballo honesto, e da necesidade de empregar a astucia contra o abuso.
Os nenos participaron activamente no conto e pasárono moi ben.

martes, 18 de octubre de 2016

OBRADOIRO DE CABAZAS

Ante a proximidade do SAMAÍN na BIBLIOTECA celebrarase, ao longo de toda a semana na hora do recreo, un obradoiro de decoración de CABAZAS



CONCURSO CONTOS DE MEDO

 Amigos Lectores cando chega o Samaín na BIBLIOTECA  temos o CONCURSO DE CONTOS DE MEDO.  Este ano  as protagonistas serán as novas amigas de Librín, as mascotas de VOZ NATURA: MUNDO MAN E BELLI, que vivirán as historias  máis terroríficas que poidades imaxinar na súa aventura de Coidar o Planeta. Este é o cartel que anuncia o concurso:

CHEGA O SAMAIN

Chegou o outono, tempo de castañas, follas secas, vento e días escuros e curtos. É o tempo da recollida do millo e das cabazas.  É tamén o tempo no que facemos as caveiras coas cortizas das cabazas, seguindo unha antiga tradición dos tempos dos Celtas.  Nesta época os nosos antepasados celebraban a aparición da época escura : poñían as caveiras  dos seus inimigos  con fachos de lume dentro para espantar aos malos espíritos que aparecían na longa noite de inverno. Xa hai moitos séculos que esta crenza dos nosos antepasados se perdeu, pero seguimos coa tradición de tallar caveiras  nas cortizas das cabazas e poñer no seu interior unha candea que escentile pola noite.
Se queredes coñecer mais cousas desta festa picade nos seguintes enlaces:
A Noite do Samaín
Se picades no seguinte enlace atoparedes actividades moi interesantres
MATERIAIS

Agora que xa coñecemos moitas cousas desta festa , atrevédevos a participar nestas actividades?
ACTIVIDADES LIM
ACTIVIDADES INTERACTIVAS
XOGOS

Disfrutade con estes videos sobre o Samaín




BRINCA VAI: NO SAMAÍN




O BAILE DOS ESQUELETOS




CORRE CORRE CABACIÑA



lunes, 10 de octubre de 2016

MOCHILAS VIAXEIRAS

Xa temos preparadas as Mochilas viaxeiras para que,   esta semana,  os nenos de todos os cursos  as levedes ás vosas casas e disfrutedes en familia coa lectura dos materiais que leva dentro.
Con esta actividade a Biblioteca ponse en contaco coas familias para que colaboren e participen no noso gran obxectivo : A formación de grandes lectores.

Este curso dentro das mochilas,  ademais dos materiais que levaban todos os anos,  engadímoslle,  en colaboración co equipo de Voz Natura,   unha nova SECCIÓN  VERDE que contén a Mascota Mundoman,  unha revista sobre temas da natureza, un pendrive de ecoconsellos e un libro cunha temática sobre a natureza e o seu coidado.
Esperamos que o seu contido sexa do voso agrado, que o compartades e o disfrutedes en  familia.



viernes, 7 de octubre de 2016

DÍA INTERNACIONAL BIBLIOTECAS ESCOLARES

Desde 1997, cada 24 de outubro conmemórase o DÍA INTERNACIONAL DAS BIBLIOTECAS ESCOLARES, unha iniciativa da Asociación Española do Libro Infantil e Xuvenil, para recordar un triste suceso:  a destrucción da BIBLIOTECA de SARAJEVO, que foi  queimada no ano 1992, durante a Guerra dos Balcáns.
Esta conmemoración naceu para trasladarlle á opinión pública a importancia da biblioteca como lugar de encontro de  lectores de todas as idades coa cultura e como un instrumento de mellora da formación e da convivencia humana.
Todas as BIBLIOTECAS agochan grandes tesouros que debemos protexer, unha das millores maneiras de protexelas é dalas a coñecer abrindo as súas portas , sacando os libros dos estantes para mostrárllelos aos lectores e, sobretodo, falar e facer que se fale delas.
Por eso é tan importante este día e todas as actividades que se celebran.
Unha das actividades programadas, para a que pedimos a vosa colaboración, é a de facer entre todos un libro cos consellos ecosaudables para ser respectuosos co medio ambiente. Esta é a proposta:

Ollade este video conto dos Bolechas que  nos contan motas cousas interesantes da  BIBLIOTECA

Agora un video de animción á lectura:
unha homenaxe a todos os  bibliotecarios



martes, 4 de octubre de 2016

GUÍA DE USUARIOS


Con esta guía de usuarios  comezamos coa primeira sesión para a Alfabetización informacional  ( saber cando e por que necesitas información, coñecer onde e como atopala). Cada usuario recibirá esta guía e fará prácticas na biblioteca.






miércoles, 7 de septiembre de 2016

BIBLIOTECA ESCOLAR : TERRITORIO DAS ARTES

"Biblioteca escolar - Territorio das Artes" é o lema escollido para os materiais que a Consellería de Cultura, Educación e Ordenación Universitaria edita a comezo do curso 2016/2017  con destino ás bibliotecas escolares dos centros educativos galegos.
 Nesta ocasión foi MINIA REGOS a creadora convidada a interpretar o lema anual.
A imaxe creada por Minia Regos garda moitas sorpresas para as lectoras e os lectores; propón un xogo de exploración e aventura por este "territorio" complexo e engaiolante que é toda biblioteca escolar.  

Nos últimos anos, as bibliotecas escolares demostraron que é posible integrar as ciencias e as humanidades nas actividades de lectura e de acceso e construción do coñecemento. Os materiais de divulgación científica, os xogos matemáticos, a xeografía ou as aventuras da exploración física ou simbólica foron temática de traballo e son xa parte esencial das programacións e dos proxectos coordinados desde as bibliotecas. Cómpre agora facer visible esa parte do coñecemento humano que conecta directamente coa creatividade: as Artes todas teñen cabida na biblioteca escolar e así o demostran as múltiples actividades programadas anualmente con esta temática. 

BENVIDA

O Equipo da Biblioteca xa  ten  todo preparado para que ao longo do curso poidades investigar, vivir aventuras, soñar, compartir experiencias, moitas lecturas e libros cos amigos, mestres e compañeiros ... Dámosvos a benvida,  desexamos que volvades cargados de enerxía,   ánimo e esforzo   para participar en todas as actividades que se van desenvolver.

Comezamos compartindo con todos unha gran noticia : A partir deste curso a nosa Biblioteca está integrada no programa PLAMBE ( Plan de Mellora das Bibliotecas Escolares) que nos proporcionará mais formación,  fondos, mobiliario... para acadar un aproveitamento máximo da nosa biblioteca.
Se picades no seguinte enlace teredes mais información sobre esta boa nova PLAMBE

Abrimos a biblioteca co seguinte video de fomento da lectura. Esperamos que sexa do  voso agrado









miércoles, 29 de junio de 2016

FELICES VACACIÓNS

Xa acaba xuño, temos por diante dous meses para descansar, xogar  cos amigos e para disfrutar dunhas merecidas vacacións. O equipo da biblioteca despídese de todos vós . Esperámosvos en setembro cun montón de actividades e novas aventuras!!!
Non vos esquezadess do noso lema paara este verán:
Na praia ou na montaña... un libro sempre te acompaña!!!


miércoles, 22 de junio de 2016

DÍA DE AGASALLOS


Hoxe na Biblioteca foi un día moi especial. As clases de 5º e 6º de E ducación infantil, 1º 2ºB, 4ºA e 4ºB de Educación Primaria  que, destacaron pola súa colaboración nas actividades da BIBLIOTECA recibiron un diploma e un pequeno agasallo 


5º E.I.
6º E.I,
1º de E.P.

2ºB deE.P.
4ºAde E.P,
4ºB de E.P.

Tamén recibiron diploma e agasallo  as tres grandes lectoras  neste curso , FELICITAMOS  a  Antía Rodríguez de 4º B  que ocupa o 1º lugar, Sheila Do Nascimento Rodr.iguez de 2ºA, polo seu segundo posto e Iria Solera Movilla de 2ºB que quedou en terceiro lugar
ANTÍA 1º lugar

SHEILA 2º lugar

IRIA 3º lugar
PARABÉNS A TODOS E ESPERAMOS QUE ESTE BO HÁBITO PERDURE NOS VINDEIROS CURSOS.