MARIE CURIE

Os nenos e nenas de 5º de Educación Infantil estiveron traballando ao longo duns dous meses sobre a figura de MARIE CURIE. Este proxecto partiu como consecuencia dos experimentos que realizaron con motivo do mes da ciencia en galego. Tanto lles gustaron que querían ser científicos, así que  a profesora aproveitou o seu entusiasmo para traballar a figura desta gran científica. Con motivo da celebración do DÍA INTERNACIONAL DA MULLER E A NENA NA CIENCIA, os pequenos quixeron presentarlles aos maiores de 6º de primaria o traballo realizado. 

Picade na icona que hai ao lado de cada número no póster que realizamos ente todos sobre MARIE CURIE para ver todo o traballo que fixemos:

(logo pechade cada ventá que se abre para acceder á seguinte icona do póster).

Deixámosvos tamén una presentación con imaxes do día da exposición:

EXPOSICIÓN: MARIE CURIE by Slidely Photo Gallery

DÍA INTERNACIONAL DAS PERSOAS CON DISCAPACIDADE

O 3 de decembro celébrase en todo o mundo O DÍA INTERNACIONAL DAS PERSOAS CON DISCAPACIDADE, declarado  pola Organización das Nacións Unidas en 1992.

Este ano o lema do mesmo é: "Participación e o  liderado das persoas con discapacidade: Axenda de Desenvolvemento 2030". 

Ademais de loitar para a inclusión das persoas con discapacidade e de que se acaden os seus dereitos plenos como seres humanos e o seu benestar, con este día trátase de concienciar sobre a súa situación en todos os aspectos da vida social, económica, cultural ...

No colexio recibimos a visita de Patricia, a nai de Julia (1º primaria) que unha vez máis colaborou connosco para darlle visibilidade a esta data  (aínda que xa estivo presente este tema na  "I SEMANA DA DIVERSIDADE e DA IGUALDADE" que acabamos de realizar). 

Patricia contoulle aos nenos e nenas de 1º cal era o seu traballo: ela era intérprete de lingua de signos nun colexio acompañando a nenos xordos. Quería explicarlles as dificultades que tiñan e como nós podíamos axudar a súa integración aprendendo a comunicarnos con eles.

Ensinoulles a facer cos dedos cada letra do abecedario en lingua de signos, logo as cores, os días da semana, os meses do ano, o nome de cada un... Tamén cantaron unha canción sobre os meses do ano axudándose da lingua de signos e colorearon un libriño con imaxes das cores en lingua de signos.

3 DE DECEMBRO. DÍA INTERNACIONAL DAS PERSOAS CON DISCAPACIDADE. by Slidely Photo Gallery 

Queremos dar as grazas a Patricia que tantas veces ten colaborado connosco, nas últimas veces para bailar e cantar cancións axudados pola lingua de signos para diversas actuacións. Esperamos contar con ela moitas máis!.

Este é o ABECEDARIO DACTILOLÓXICO ESPAÑOL

E como se din as cores en lingua de signos 

Tamén vos deixamos enlaces interesantes que vos axudarán a coñecer en profundidade a lingua de signos e os problemas das persoas xordas. Tamén contan con recursos moi variados:

- CENTRO DE NORMALIZACIÓN LINGÜÍSTICA DE LA LENGUA DE SIGNOS ESPAÑOLA.

- FEDERACIÓN DE ASOCIACIÓNS DE PERSOAS XORDAS DE GALICIA.

- APRENDE LENGUA DE SIGNOS.

- BANCO DE IMÁGENES Y SIGNOS LSE.

- LSE EN EL AULA 

- APRENDIENDO CON LSE LENGUA DE SIGNOS ESPAÑOLA.

- MATEMÁTICAS VISUALES. LENGUA DE SIGNOS ESPAÑOLA.

- ACCESIBILIDAD Y PERSONAS SORDAS. 

- CURSOS EN LENGUA DE SIGNOS ESPAÑOLA. SIGNOCAMPUS (CAMPUS VIRTUAL DE LA COMUNIDAD SORDA).

- MI HIJO SORDO. UN MUNDO DE RESPUESTAS. FAMISOR.

I SEMANA DA DIVERSIDADE E DA IGUALDADE

Coincidindo nestes días de novembro coa celebración, o día 20, do  Día Universal Do Neno e o día 25, do Día Internacional da Eliminación da Violencia contra a Muller, celebramos no colexio a I SEMANA DA DIVERSIDADE E DA IGUALDADE, tratando de impulsar e promover a convivencia, a tolerancia e  o respecto ás diferenzas, valorándoas como un factor de enriquecemento, co fin de acadar valores e actitudes conducentes á igualdade de trato e oportunidades e a non discriminación, tanto dende a perspectiva de xénero como dende a diversidade. 

  I SEMANA DA DIVERSIDADE E DA IGUALDADE     

Empezamos o luns 18 de novembro e ata o día 25, realizamos diferentes actividades:

- OBRADOIROS: impartidos por Tatiana, orientadora do cole,  e Idoya, mestra de PT. Xogos para entender a diversidade, o aillamento que sofren as persoas por ser diferentes, a aceptación das diferenzas e a inclusión. Talleres sobre os estereotipos sexistas (xoguetes, tarefas na casa...), a violencia machista... Intercambio de experiencias e debates. 

OBRADOIROS SOBRE A DIVERSIDADE E A IGUALDADE by Slidely Photo Gallery

- SESIÓNS DE LECTURAS E CONTACONTOS: seleccionáronse libros coa temática da igualdade e o respecto á diversidade. Realizáronse sesións de contacontos e/ou lecturas na biblioteca e nas diferentes aulas. 

A nai de Teo (un alumno de 5 anos), foi a encargada de contarlles aos máis pequenos de 3 anos unha historia de autoestima e aceptación: "ORELLAS DE BOLBORETA".

Os maiores de 6º A acudiron ás aulas dos pequenos e pequenas de 4 anos para contarlles as historias: "GRANDE" e "MARTÍN GRIS".

Os rapaces e rapazas de 6º B inventaron a historia "UNHA OKUPA NO GALIÑEIRO" (relacionándoa co proxecto de Voz Natura NOS SEUS ZA-PATOS). Fixeron unha primeira presentación da mesma que lle pasaron aos pequenos de 5 anos e logo continuaron na zona onde temos os patos, na pequena carballeira do patio do cole.

Noutras aulas, ben os profesores, ben os alumnos, leron e contaron algunha destas historias:

- PROXECCIÓN DE CURTAS E PELÍCULAS: tamén dunha selección entregada a cada curso, proxectáronse curtametraxes e películas nas que a sensibilización sobre a diversidade, a valoración dun mesmo e da aceptación das diferenzas, o respecto, así como a non discriminación e rexeitamento de calquera maltrato eran os temas principais. 

Nestes enlaces podedes visualizar algunhas das que se proxectaron:
- El puercoespín en Navidad
- El cazo de Lorenzo
- Por cuatro esquinitas de nada
- No te rayes, inclusión.
- Un mundo a su medida.
- La desigualdad de género no es un juego de niños.
- Cambia de cuento. Caperucita Roja.
- Igualdad de género. Coeducación.
- Por el principio.
- Igualdad de género. 
- Cuerdas.
- Ian. 
- Lolo, un conejo diferente. 
- Sésamo: Diversidad 

- CANCIÓNS E BAILES: nun acto conxunto cantamos e bailamos cancións sobre a igualdade e a diversidade.
- Canta con Panda la canción de la igualdad. 
- Yo estoy muy orgulloso. 

E con motivo da celebración do DÍA INTERNACIONAL DA ELIMINACIÓN DA VIOLENCIA CONTRA A MULLER, eleximos un lema, que se plasmou nun mural e que cada neno reproduciu libremente. Tamén nun acto conxunto cantamos e bailamos expresando o noso desexo de que se termine este grave problema.

Estas foron as cancións que cantamos e bailamos:
- Un billón en pie
- Que bonito es querer 

DÍA INTERNACIONAL DE ELIMINACIÓN DA VIOLENCIA CONTRA A MULLER by Slidely Photo Gallery

O NOSO LIBRO FAVORITO

Todos temos o noso libro favorito, as razóns poden ser moi variadas...

- porque lle temos un especial cariño: "regaloumo o meu avó", "deumo a miña madriña polo Nadal", "mercoumo a miña nai cando aprobei 5º curso"...

- porque a historia nos "enganchou": "era divertida, rinme un montón", "ocorre nuns lugares fantásticos", "vai sobre fútbol, o meu deporte favorito", "é unha historia moi romántica", "que medo pasei cando a lin"...
- porque os protagonistas son: "moi guapos", "simpáticos", "moi valentes", "son superheroes", "princesas en apuros", "animais moi listos"...
- porque as súas ilustracións: "son moi chulas", "moi bonitas e grandes, gústanme moito", "as fotos son fantásticas"...

- ou simplemente non sabemos explicar as razóns, sabemos que "ESE LIBRO NOS GUSTOU MOITO, e que por iso é O NOSO  LIBRO FAVORITO". 

Deste xeito foron os comentarios que realizaron os nenos e nenas como resposta á actividade  "O NOSO LIBRO FAVORITO", proposta que se realizou para conmemorar o DÍA DAS BIBLIOTECAS.

Cada neno e cada nena trouxo o seu libro favorito ao cole,  logo explicou ao resto de compañeiros da súa clase as razóns da súa preferencia (algunhas como as descritas previamente) e, finalmente todos plasmaron plasticamente a unión de cada un co seu libro: debuxáronse (os máis pequenos de 3 e 4 anos pegaron a súa foto) suxeitando unha fotocopia da portada do seu LIBRO FAVORITO.

Fixemos unha gran exposición cos traballos realizados, exposición que ocupou varios corredores, tanto da primeira como da segunda planta. Aquí tedes unha mostra:

24 DE OUTUBRO:DIA INTERNACIONAL DAS BIBLIOTECAS

O 24 de outubro celebramos o Día Internacional das Bibliotecas, unha efeméride que se celebra desde o ano 1997 e que xurdiu  coa proposta da Asociación Española de Amigos do Libro Infantil e Xuvenil en lembranza da destrución da Biblioteca de Sarajevo, incendiada no ano 1992 na Guerra dos Balcáns. Unha efeméride que pretende dar a importancia da  biblioteca como lugar de encontro dos lectores de todas as idades coa cultura e homenaxear aos bibliotecarios como impulsores da lectura  como unha ferramenta da mellora da formación e a convivencia humana.

Con esta efeméride preténdese educar ás persoas de todas as idades sobre os valores da lectura e da cultura que se atopan nas bibliotecas e salientar o labor das bibliotecas como centros de integración e socialización que demostran decote que os libros están ao alcance de todas as persoas que desexen mergullarse entre as súas páxinas.

A edición deste ano céntrase en destacar o labor das bibliotecas na promoción da igualdade de xénero. Este é o video da súa presentación:

Para conmemorar este día o Equipo da Biblioteca pretende desenvolver a actividade: "O MEU LIBRO FAVORITO" Cada neno/nena traerá da súa casa o deu libro favorito para facerlle unha fotocopia da súa portada, despois debuxarán a súa cara nun folio e recortarán as mans que se proporcionan desde a biblioteca para facer  un mural que se exporá no corredor da biblioteca.

ABRIL: MES DOS LIBROS

 Como xa é habitual o mes de abril ten como protagonista aos libros, xa que durante este mes hai dúas datas moi significativas relacionadas cos libros e coa lectura.

Desde o ano 1967, o día 2 de abril,  conmemorando o nacemento de Hans Christian Andersen, celebramos o Día Internacional do Libro Infantil e Xuvenil, co ánimo de inculcarlle o amor polos libros aos máis cativos.

O día 23  e abril celebramos o Día Internacional do Libro e dos Dereitos do autor, data que coincide co falecemento de Miguel de Cervantes, de Shakespeare e de Garcilaso de la Vega.

Para celebrar estas datas o Equipo da Biblioteca ten programadas diferentes actividades que se desenvolverán ao longo de todo o mes : lecturas compartidas, apadrinamento s lectores.. para alentar aos máis cativos a descubrir o pracer da lectura.

Se picades no seguinte enlace LIBROS QUE TODOS OS NENOS DEBEN LER atoparedes sete libros que todo neno/nena menor de doce anos debería ler.

Que é capaz de inventar unha historia para esta curta?

Disfrutade ollando as seguintes curtas

ACTIVIDADES 25 DE NOVEMBRO

"La Declaración sobre la eliminación de la violencia contra la mujer emitida por la Asamblea General de la ONU en 1993, define la violencia contra la mujer como “todo acto de violencia que tenga o pueda tener como resultado un daño o sufrimiento físico, sexual o psicológico para la mujer, así como las amenazas de tales actos, la coacción o la privación arbitraria de la libertad, tanto si se producen en la vida pública como en la vida privada.”

"La violencia contra la mujer sigue siendo un obstáculo para alcanzar igualdad, desarrollo, paz, al igual que el respeto de los derechos humanos de mujeres y niñas. Lo que es más, la promesa de los Objetivos de Desarrollo Sostenible (ODS) de no dejar que nadie se quede atrás, no podrá cumplirse sin primero poner fin a la violencia contra mujeres y niñas".  (sinopse extraída da páxina web da Organización das Nacións Unidas).

Para contribuír a erradicar este grave problema sensibilizando aos máis pequenos, fixemos no colexio un acto conxunto o 23 de novembro (por coincidir o día 25 en domingo). Comezamos coa lectura dun manifesto realizado polos alumnos e alumnas de 6º de primaria

Despois da lectura deste manifesto cantamos as cancións (a primeira acompañada ademais con linguaxe de signos): "LA PUERTA VIOLETA" de ROZALÉN e "DÉJALA QUE BAILE" de MELENDI con ALEJANDRO SANZ e ARKANO. Cancións cuxas letras expresan o seu rechazo a estos actos violentos e defenden a liberdade da muller. Un pequeno acto emotivo no que os nenos e as nenas sentiron unha vez máis a alegría de estar xuntos convivindo en igualdade. 

Deixámosvos as imaxes dos momentos vividos:

Alumnos e alumnas de 1º, 3º, 4º, 5º e 6º 

Nenos e nenas de infantil e 2º de primaria

25 DE NOVEMBRO

O 25 de novembro conmemoramos o Día Internacional da Eliminación da Violencia contra a Muller, un día para denunciar a violencia que se exerce sobre as mulleres do mundo e para reclamar políticas en todos os países para a súa erradicación.

Elexiuse esta data porque foi o día 25 de novembro de 1960, na República Dominicana, cando foron asasinadas as tres irmáns Mirabal, activistas políticas, por orde do ditador Trujillo, Se queredes saber máis cousas sobre elas, picade no seguinte enlace:

POR QUE O 25 DE NOVEMBRO

A escola debe contribuír a erradicar esta violencia educando na igualdade, opoñéndose  a todo tipo de violencia tanto física como  verbal, facendo respectar os dereitos das nenas e das mulleres, fomentando unha relación afectuosa entre os seus membros e empregando modelos e mensaxes cooperativos e dialogantes.

Nos seguintes enlaces atoparedes  diferentes actividades e recursos para reflexionar, profundizar e traballar a violencia contra as mulleres:

VIOLENCIA DE XÉNERO: RECURSOS E ACTIVIDADES
CONTO E ACTIVIDADES SUPERLOLA
Unidades didácticas:

 Ollade estes vídeos sobre a violencia de xénero:

SÚPER LOLA:

Campaña nenos contra a violencia:

Sácalle un cartón vermello ao maltratador:

Cancións  contra a Violencia de xénero:

DÍA INTERNACIONAL DOS DEREITOS DO NENO

O día 20 de novembro conmemoramos o Día Universal da infancia, coincidindo co aniversario da Convención sobre os Dereitos do Neno no ano 1989. Se queredes saber máis cousas sobre este tema picade no seguinte enlace: DÍA UNIVERSAL DA INFANCIA-

É unha data que nos fai recordar que un neno non é soamente un ser fráxil que necesita protección, senón tamén unha persoa que ten dereito a ser educado, coidado e protexido dondequeira que nacera. Tamén é un día para lembrar que millóns de nenos e nenas de moitos sitios do mundo non teñen garantidos dereitos básicos como o dereito á alimentación, a non ser maltratados ou explotados entre outros.

 Se  picades no seguinte enlace atoparedes información sobre a necesidade de celebrar este día: POR QUE SE CELEBRA?

Convidámosvos a ler o Libro dos Dereitos segundo Mafalda: 




Nos seguintes enlaces atoparedes recursos para traballar neste día:
ENLACES PARA TRABALLAR OS DEREITOS DA INFANCIA
BANCO DE RECURSOS
RECURSOS DÍA  DEREITOS DO NENO
Nos corredores atoparedes murais sobre os dereitos da infancia:

murais dereitos infancia
O Equipo da Biblioteca sacou dos andeis libros sobre os dereitos dos nenos para facer a exposición á entrada da biblioteca:

libros dereitos infancia

Convidámosvos a ver os seguintes videos sobre os dereitos do neno:

ACTIVIDADES DÍA INTERNACIONAL DAS BIBLIOTECAS

Para conmemorar o Día Internacional das Bibliotecas Escolares desde a Biblioteca desenvolvéronse diferentes actividades :
Todo o alumnado de Infantil disfrutou coa representación realizada polos alumnos de 4º B, con monicreques no teatriño,  do libro O Mago e a Folla:

Nieves Rodriguez Vazquez de Slidely by Slidely Slideshow

Os alumnos de 6º realizaron unha sesión de formación coa encargada da biblioteca. Realizaron un percorrido  polas diferentes seccións, fixeron un repaso dos tejuelos e das etiquetas que levan os libros e, por último,  fixeron unha series de prácticas colocando diferentes libros no seu andel correspondente.

Inauguramos a exposición dos "nosos recunchos preferidos da biblioteca" na que todos os nenos do cole fixeron a súa aportación debuxando o seu lugar preferido. fixeron debuxos moi interesantes, esta é unha pequena mostra:

Nieves Rodriguez Vazquez de Slidely Gallery by Slidely Photo Gallery

DÍA INTERNACIONAL DAS BIBLIOTECAS

Un ano mais o día 24 de outubro celebraremos o Día Internacional das Bibliotecas, unha data que se celebra desde o ano 1997 pola iniciativa da Asociación de Amigos do Libro Infantil e Xuvenil para lembrar o Incendio da Biblioteca de Saraxevo no ano 1992 durante o conflito dos Blacáns ( Se picades no anterior enlace atoparedes unha ampla información sobre este suceso).

Faise esta celebración para destacar a importancia da Biblioteca como un lugar de encontro de lectores,  para concienciar á sociedade  da importancia da lectura e para agradecer o esforzo de todas as persoas que traballan nas bibliotecas.

Na Biblioteca celebraremos este día coas seguintes actividades:

- Representación   con monicreques a cargo dos nenos e nenas de 4º B para o alumnado de Educación Infantil do conto O Señor Mago e a Folla.

- Sesións de formación na Biblioteca para o alumnado de Primaria.

- Inauguración da exposición: Cal é a  sección da Biblioteca que máis che gusta? na que colabora todo o alumnado do centro.

Video sobre o día Internacional da Biblioteca

Videos para o  fomento da lectura

DÍA DO LIBRO

Achégase o Día Internacional do Libro e dos Dereitos de Autor, unha conmemoración celebrada a nivel internacional co obxectivo de fomentar a lectura. Se queredes  coñecer a historia desta data picade no seguinte enlace DÍA DO LIBRO.

- Ao longo de toda a semana celebraremos diferentes actividades para conmemorar este día: Seguindo co noso proxecto Auga, Pedra, Sabedoría e Terra en colaboración co equipo de Voz Natura faremos unha exposición de libros Antigos  na entrada do colexio.

- No corredor da biblioteca temos a vosa disposición unha selección de libros para que gocedes coa súa lectura.
- Ao longo de toda a semana os pais e nais de infantil acudirán as clases na hora de ler para contarlle e lerlle aos nenos mais cativos do cole un libro.

-  Nesta semana , coincidindo co Día Internacional da Solidaridade Interxeneracional,  os nenos e nenas de 4º de EP acudirán á Residencia Fogar de San Amaro, para acompañar ás persoas maiores cun agradable momento de lectura .  
 - O día 23 celebraremos, como todos os anos, unha actividade que a todos vos encanta: O Apadriñamento Lector, aproveitando calquera recuncho do patio os nenos dos cursos superiores leranlle libros aos máis pequenos.
Se picades no  seguinte enlace atoparedes  recursos para celebrar este día: RECURSOS
Disfrutade coa letra da canción do Día do Libtro de Paco Nogueiras: 

E coa canción interpretada por Pablo Díaz  na presentación  do libro-Disco Tic Tac:  

Ollade estes videos:

MARZO, MES DA POESÍA

Pasiño a pasiño chegamos ao mes de marzo, mes dedicado a poesía xa que o Día 21 de marzo celebramos o Día Internacional da Poesía. Ao longo deste mes as actividades da Biblioteca xirarán en torno a Poesía,  leremos poemas, escribiremos e ilustraremos poesías,  coñeceremos poetas... Este mes amaremos e disfrutaremos os recitados de pesías.

Como xa é tradicional empezaremos este mes convocando un novo Concurso de Poesía que,  este ano desenvolvendo o   noso proxecto: Auga,  Pera, Sabedoría e Terra ,  estará dedicado aos oficios tradicionais da nosa contorna.

Este é o cartel que o anuncia:

DIA DA PAZ E DA NON VIOLENCIA

O  próximo 30 de xaneiro  celebramos o Día Escolar da PAZ e da NON VIOLENCIA  tamén coñecido como DENIP e que se celebra en España desde o ano 1964. Neste día,  ademais de conmemorar o aniversario da morte de GANDHI ( se picades no enlace coñeceredes a súa biografía), tamén lembramos a necesidade da educación para a tolerancia, a solidariedade, o respecto aos Dereitos Humanos, á non violencia e á Paz.  Neste día os colexios convértense en instrumentos de paz e de entendemento entre persoas de distinta formación. raza. cultura e relixión.

Nos seguintes enlaces atoparedes moitas ideas para comezar a traballar na clase:

MATERIAIS DIA DA PAZ

Actividades interactivas dia Escolar da Non Violencia

Para celebrar este día  o Equipo da Biblioteca propón as seguintes actividades;

Para infantil e 1º e 2º de EP a  seguinte presentación:

Para os demais cursos de primaria o seguinte traballo de investigación

Coa axuda de todos elaboraremos o noso  Abecedario da Paz empregndo as plantillas que elaboramos.  cada clase  buscará a palabra da Paz relacionada coa letra ,  decorará a tarxeta, e todos xuntos elaboraremos o noso abecedario

Un conto para traballar  a Paz e a Non Violencia

Escoitade estas cancións   que nos falan de Paz:

CONTACONTOS

O día 11 de xaneiro é o DÍA DOS USUARIOS das BIBLIOTECAS, para conmemorar este dñia  na biblioteca desenvolveuse  unha sesión de contacontos na que o alumno de 4º B  Xurxo Vilariño Losada contoulle aos alumnos de 5º e 6º de Infantil, apoiándose cunha presentación en power point,   o conto titulado Frederik.

Unha historia baseada na fábula  da carricanta e a formiga pero esta vez ten un final totalmente diferente. A historia, maxistralmente contada   fixo as delicias de todos os nenos. Esperamos ver os seus debuxos, que prometeron facernos,  nos que queren plasmar a súa visión desta historia.

Esta é a presentación de powerpoint:

 Mirade que atentos estiveron, non perderon ningún detalle!!!

Nieves Rodriguez Vazquez de Slidely by Slidely Slideshow