domingo, 20 de diciembre de 2020

EN NADAL, UN LIBRO PARA AGASALLAR!!

Un ano máis xa temos as nosas recomendacións lectoras para este NADAL un pouco diferente ao doutros anos, pero sempre cheo de maxia, de ilusión e de bos momentos para compartir en familia. E que mellor forma que coa lectura? 

Aquí vos deixamos as nosas recomendacións: libros en galego, en castelán, en inglés, de divulgación, para os máis pequenos, para os "máis" lectores... todos cheos de historias que vos encantarán e coas que gozarades, olvidándonos un pouco desta situación tan difícil que nos tocou vivir. Non vos esquezades de pedir como agasallo un libro (ou dous!) a Papa Noel, aos Reis Magos e/ou ao Apalpador, seguro que a eles lles encantará vir cargados de libros!! 


BO NADAL a tod@s!! 




viernes, 4 de diciembre de 2020

EXPOSICIÓN DE LIBROS DE NADAL

Coma todos os anos ao chegar esta época, facemos unha exposición con libros propios das datas de NADAL, época de soños, de ilusións, de alegría, de panxoliñas e cánticos, de bos desexos...  que se reflicten na temática dos citados libros, pero tamén non faltan os misterios, a creatividade, a tristura, as aventuras, as historias que nos fan reflexionar... 

Podedes botarlle unha ollada no corredor que conduce á entrada da nosa biblio e, levalos emprestados para a casa, se queredes lelos con calma:






jueves, 3 de diciembre de 2020

3 DE DECEMBRO - DÍA INTERNACIONAL DAS PERSOAS CON DISCAPACIDADE

O 3 de decembro celébrase o DÍA INTERNACIONAL DAS PERSOAS CON DISCAPACIDADE. O obxectivo desta conmemoración "é promover os dereitos e o benestar das persoas con discapacidade en todos os ámbitos da sociedade e o desenvolvemento, así como concienciar sobre a súa situación en todos os aspectos da vida política, social, económica e cultural". (sinopse extraída da páxina oficial das Nacións Unidas sobre o Día Internacional das Persoas con Discapacidade).
Deixámosvos uns enlaces a uns materiais moi interesantes onde podedes visualizar contos e lecturas sobre a diversidade de forma moi atractiva e visual: LA CARTELERA INCLUSIVA, con dez enlaces a curtos

 

Aquí tedes outra recompilación de enlaces a recursos tamén presentados de forma moi visual: SEMANA POR LA INCLUSIÓN 


Nesta páxina do Ministerio de Sanidade, Consumo e Seguridade Social podemos acceder a máis recursos educativos:


Ourtros enlaces de interese:



Os pequenos e pequenas de 4 anos quixeron expresar co seu mural que, dentro da diversidade, todos somos iguais e que as diferenzas enriquécennos:





miércoles, 2 de diciembre de 2020

ENTREGA PREMIOS "I CONCURSO DE CADALEITOS"

Velaí tedes as fotos da entrega de premios do I CONCURSO DE CADALEITOS. Noraboa a todos e moitas grazas pola vosa participación. O vindeiro curso, debido a gran acollida que tivo esta iniciativa, volveremos cunha nova convocatoria!!

PREMIOS: 1º CONCURSO DE CADALEITOS - 2020 - Kizoa Movie Maker

martes, 1 de diciembre de 2020

MES DA CIENCIA EN GALEGO 2020

Coma en anos anteriores, celebramos en novembro o MES DA CIENCIA EN GALEGO co fin de mostrar que a lingua galega é válida para o estudo científico, a investigación e a transmisión deste tipo de coñecementos.

Montamos no corredor da nosa biblioteca unha exposición cunha selección da bibliografía coa que contamos e,  ambientámolo con úteis científicos: probetas, pipetas, balanza, pesas, morteiros, microscopios..





LIBROS CIENCIA EN GALEGO


Nalgunhas aulas fixéronse experimentos e investigacións coma a que nos contan os pequenos e pequenas de 5 anos:

EXPERIMENTO CON CENORIAS

Collemos unhas cenorias e cortámoslle as ramas e case todo o seu corpo, deixando aproximadamente un cm. Colocamos as cenorias en 2 recipientes distintos: un envase de plástico para ovos con auga e un prato de plástico con papel absorbente e auga.

Ao cabo de 4 días comenzan a saír novamente as follas e unha semana despois tamén raíces, polo que conseguimos novas prantas sen necesidade de sementes.






               

E nada mellor para rematar o experimento que degustar as cenorias que non empregamos. Uhmmm están boísimas!!!

lunes, 30 de noviembre de 2020

UNHA HISTORIA DE IGUALDADE

Os nenos e nenas de 5 anos coñeceron un conto que lles encantou!! 
¡VIVAN LAS UÑAS DE COLORES!!


Este conto está inspirado nunha historia real que se difundiu a través das redes sociais cunha gran repercusión. Nel móstranos como na nosa sociedade aínda hai moitos prexuizos e patróns de xénero moi ríxidos.  

domingo, 29 de noviembre de 2020

NON MÁIS VIOLENCIA DE XÉNERO

Como remate ao traballo realizado ao longo da semana en torno o DÍA INTERNACIONAL DA ELIMINACIÓN DA VIOLENCIA CONTRA A MULLER, entre todos fixemos un mural conxunto baixo o lema "TODAS AS MANS CONTRA A VIOLENCIA DE XÉNERO":

Os pequenos e pequenas de infantil estamparon as súas mans para manifestar que temos que parar xa esta situación. Os alumnos e alumnas de 1º, 2º e 3º de primaria escribiron e debuxaron lemas pedindo NON MÁIS... maltrato, golpes, berros, pelexas, insultos, medo, dor, choros, acoso... E os maiores de 4º, 5º e 6º fixeron "nubes de etiquetas" na silueta dunha man que, "axudadas" polo berro de ¡BASTA! de Mafalda, queren indicar tamén que se pare xa este grave problema da nosa sociedade. 


25-11-2020 - Kizoa Movie Maker

viernes, 27 de noviembre de 2020

25 N: CALAR DOE MÁIS

Como xa comentamos anteriormente, no corredor de entrada á biblioteca puxemos unha exposición con algúns dos libros que tratan a temática da Violencia de Xénero e a Igualdade. Este curso, en homenaxe a Quino, sempre nos acompaña MAFALDA que nos invita a ler e nos suxire algún título interesante: 


Aquí tedes unha selección de títulos sobre esta temática:





              

domingo, 22 de noviembre de 2020

DÍA INTERNACIONAL DA ELIMINACIÓN DA VIOLENCIA CONTRA A MULLER

Con motivo da celebración, o vindeiro mércores, 25 de novembro, do DÍA INTERNACIONAL DA ELIMINACIÓN DA VIOLENCIA CONTRA A MULLER, traballaremos ao longo da semana do 23 ao 27 de novembro este problema que non deixa de estar de actualidade constantemente e que tan difícil é de erradicar da nosa sociedade.

Comezamos coa realización dunha recompilación de vídeos (curtametraxes, lectura de contos, animacións...) e cancións onde se trata este tema e que serán proxectados nas distintas aulas. 

Fixemos tamén unha exposición, no pasillo de entrada a nosa biblio, con libros sobre esta temática, axeitados ás distintas idades dos alumnos/as e nos que ademais do tema da violencia se fala sobre igualdade, respecto, liberdade... e se destaca a figura de mulleres que souberon loitar e defender os dereitos de todas elas. 

Lecturas e proxeccións serán o punto de partida para comezar a falar, debater e concienciar sobre este tema e tamén para realizar unha serie de actividades que se plasmarán finalmente en murais colectivos.  

.

sábado, 21 de noviembre de 2020

DÍA MUNDIAL DO NENO E DA NENA

Como cada 20 de novembro celebramos o DÍA MUNDIAL DO NENO  E DA NENA no que recordamos os dereitos dos nenos e das nenas e seguimos reinvidicando o seu cumprimento por parte de todas as sociedades e nacións xa que aínda estamos moi lonxe de acadar a súa plena consecución. 

Na páxina da Nacións Unidas temos información sobre esta data:

- NACIÓNS UNIDAS: DÍA MUNDIAL DO NENO 

Tamén na páxina de UNICEF, principal organización internacional que se dedica ao coidado e defensa da infancia:

- UNICEF: DÍA UNIVERSAL DO NENO 

Realizamos a seguinte presentación na que recordamos os dereitos básicos:

Os pequenos e pequenas de 5 anos plasmaron plasticamente o dereito á igualdade de todos os nenos e de todas as nenas:


Nas aulas visualizamos vídeos sobre o tema e tamén cantamos: 

DÍA DO NENO - CANCIÓN INFANTIL 

A CANCIÓN DOS DEREITOS