OBRADOIRO DE CABAZAS

Ao longo de toda a semana, na hora do recreo, desenvolvemos na BIBLIOTECA un obradoiro para decorar as nosas cabazas.

Os rapaces traballaron a reo !!!

Mirade que bonitas quedaron. 
SON UNS ARTISTAZOS!!!!

CABAZAS 2015 - Kizoa Movie Maker

SESIÓN DE CONTACONTOS

Para celebrar o Día Internacional das Bibliotecas o profesor Xosé Carlos Caramés desenvolveu cos nenos e nenas de Educación Infantil e cos de 1º de Educación Primaria unha sesión de contacontos. Coa técnica do kamishibai contounos dous contos:

"Peixiño, peixiño" e "Dante o Xigante".  Aos nenos gustoulle moito esta actividade, pasárono moi ben. A súa ledicia queda reflictida nas súas caras.

Slideshow: peixiño peixiño - Slideshow

CARTEIS DOS PERSONAXES MALVADOS

Na entrada da BIBLIOTECA están colocados os vosos carteis dos personaxes malvados dos libros.
Quedaron preciosos!!!

III CONCURSO CONTOS DE MEDO

Ola amigos:

O equipo da BIBLIOTECA anímavos a que compartades as historias máis arrepiantes que lle poden pasar a nosa protagonista deste ano:

NARIGOTA, unha pinga de auga que, unha noite tenebrosa de raios e tronos, escápase da choiva cobrando vida sobre a TERRA e, cos seus amigos (unha nube de vapor

e un cubo de xeo), fará

unha longa viaxe na que se atopará con seres maléficos e vivirá situacións que dan moito, moito, moitísimo medo!!!!

Escribide a vosa historia en galego, podedes decorala con debuxos,

Entregádea na BIBLIOTECA antes do 16 de novembro.

Os mellores traballos terán premio.

ANIMÁDEVOS E PARTICIPADE!!!!

SAMAÍN NA BIBLIOTECA

Xa temos a Bilioteca decorada para que vos acheguedes a ela e pasedes un SAMAÍN de moito, moito , moitíííísimo medo con todas as lecturas que temos seleccionadas.  Estes son algúns dos libros que vos temos preparados:

Así está a biblioteca:

BUSCAMOS AOS MALOS EN PRIMARIA

Os alumnos e alumnas de Primaria tamén participaron na actividade. Estos son os personaxes malvados dos seus libros.

Disfrutade das súas creacións picando na imaxe.

buscamos primaria

BUSCANDO AOS MALOS DOS CONTOS

Os nenos e nenas de Infantil buscaron aos malos dos seus contos. Mirade (picando na imaxe) que traballos tan bonitos, SON UNS ARTISTAZOS!!!!

buscamos aos malos dos contos

XA CHEGA O SAMAIN!!!

Xa chega o SAMAIN unha tradición galega de orixe celta, predecesora da festa de HALLOWEEN, que se celebra cada 31 de outubro cando comeza o aninovo celta.

Nesta noite as ánimas dos finados voltan visitar as súas familias e as súas vellas casas para quentarense ao carón do lume e comer dos alimentos que con agarimo lles teñen preparados os parentes.

O cristianismo, adoptando o ano novo dos celtas e a súa festa á honra dos mortos, designaría o primeiro de novembro como día de Todos os Santos, e no século XII, ao día seguinte como día de Defuntos.

A LENDA DA CABAZA.

Chega o outono. Tempo de castañas, noces, vento, follas secas e días escuros. É o tempo de recoller o maínzo e as cabazas. É tamén o tempo en que a rapazada fai as caveiras na cortiza das cabazas, seguindo unha antiga tradición dos tempos dos celtas.

Os celtas foron uns antigos habitantes de Galicia. Un dos seus costumes era poñer unha luz acesa dentro das caveiras dos inimigos mortos. Xa hai moitos séculos que tal costume se perdeu, máis hoxe en día aínda fica a tradición de tallar unha caveira na cortiza dos melóns e poñer no seu interior unha candea que escentile pola noite.

Os celtas, antigos habitantes de terras galegas, tiñan un grande respecto polos mortos. Nas súas caveiras poñían unha candea para que, ao escentilar pola noite, puxera medo no corazón da xente.

Tal cousa facíana ao chegar os tempos escuros do ano, que ao andar o tempo, foise transformando na festa dos defuntos

Hoxe en día xa non se practican tales crenzas, máis ao longo do tempo mantívose un costume derivado destas: tallar caveiras na cortiza das cabazas e alumealas cunha candea no seu interior.

Escoitade a historia do SAMAIN

RECURSOS PARA TRABALLAR NAS AULAS

Pica nos seguintes enlaces e atoparás moitas actividades interactivas

SAMAIN

ACTIVIDADES

No seguinte enlace atoparedes  materiais elaborados pola CGENDL con actividades actividades de comprensión  lectora e plástica

SAMAIN 2015

 Se picades no seguinte enlace atoparedes recursos para traballar nas aulas

RECURSOS PARA O samain

A BBC ELIXE OS 11 LIBROS FUNDAMENTAIS DA LITERATURA INFANTIL

Cales son os mellores libros da Literatura Infantil? 

Na busca dunha avaliación crítica colectiva, Jane Ciabattari da BBC Cultura preguntoulle a decenas de críticos de todo o mundo cales eran para eles os mellores libros infantís (entendendo por literatura infantil libros para menores de once anos). Este foi o resultado: