Coma todos os anos, xa estamos en marcha co noso concurso de CONTOS DE MEDO, que xa vai pola súa VIII edición. Os alumnos e alumnas de 5º de primaria xa teñen case listos os seus e, aproveitando estes días de SAMAÍN, léronlle ao resto de compañeiros da clase os contos por eles xa realizados, nun ambiente acorde co que a situación requería...
 |  |
 |  |
 |  |
 |  |
Neste Samaín, ademais de facer a tradicional exposición de contos de medo na entrada da nosa biblioteca, quixemos facer unha gran recompilación de libros nos que está presente o mundo máxico das pantasmas, das bruxas, dos vampiros, dos monstros... e nos que o medo e o misterio son os protagonistas (aínda que ás veces, nalgúns deles, tamén ten cabida o humor e a tenrura).
Na seguinte presentación podedes ver dita recompilación, que redondeamos ata 100! (aínda que temos algúns cantos máis!).
Este ano quixemos adicar o DÍA DAS BIBLIOTECAS ao escritor e debuxante QUINO que nos deixou para sempre o pasado 30 de setembro. Afondando na historietas de MAFALDA, os nenos e as nenas buscaron frases significativas en relación aos libros, á lectura e ás bibliotecas.
 |
 |
A data de entrega dos debuxos sería o 23 de outubro. ¡Animádevos a participar!
O pasado día 30 de setembro, deixounos un dos máis grandes debuxantes, QUINO.
Quino é o pai dunha personaxe que nos fixo rir e pensar coas súas frases; estamos a falar de MAFALDA.
Mafalda é unha nena, pequena pero moi sabia, que nos sorprende pola maneira tan sinxela en que nos fai presentes os grandes problemas que ten o mundo; ese mundo que ela reflicte é o dos anos 60 do século XX, pero os temas que saen nos seus diálogos, seguen a estar de actualidade hoxe en día.
Tamén é unha nena moi graciosa, aínda que fale de cousas serias, a maneira en que as di fainos rir.
Este ano o Día Internacional da Biblioteca no noso colexio, vai estar adicado a Quino e a Mafalda; ela, os seus amigos e a súa familia, están a esperar que os coñezades.
Aquí tedes un pdf interactivo que fixo público a REDH Argentina (Red de intelectuales e artistas en defensa da humanidade- Argentina), no que podedes ver e coñecer a todas as personaxes das historias de Mafalda e tamén ler algúns dos seus libros.
Animádevos, xa veredes que paga a pena!
 |