SAMAÍN: COLABORAMOS DENDE A CASA

 

MAFALDA E O DÍA INTERNACIONAL DA BIBLIOTECA

Como seguro que agora xa coñecedes a Mafalda e as outras personaxes que a acompañan, dende a biblioteca propoñemos o seguinte:

- Os pequenos e pequenas de infantil e 1º de primaria, a partir dun modelo de Mafalda dicindo unha das súas famosas frases, colorearán e adornarán dito modelo ao seu gusto, personalizándoo. 

- Dende 2º ata 6º de primaria, darémosvos tamén o modelo co debuxo, aínda que tedes toda a liberdade de facer a vosa propia Mafalda, pero o que queremos e que busquedes a frase que máis vos guste e que a escribades. A frase, tería que ter relación cos libros, coa lectura, coas bibliotecas. Podedes buscala nos libros de Quino, ou por Internet.

A data de entrega dos debuxos sería o 23  de outubro. ¡Animádevos a participar!

DÍA INTERNACIONAL DA BIBLIOTECA - 24 DE OUTUBRO

O pasado día 30 de setembro, deixounos un dos máis grandes debuxantes, QUINO. 

Quino é o pai dunha personaxe que nos fixo rir e pensar coas súas frases; estamos a falar de MAFALDA.

Mafalda é unha nena, pequena pero moi sabia, que nos sorprende pola maneira tan sinxela en que nos fai presentes os grandes problemas que ten o mundo; ese mundo que ela reflicte é o dos anos 60 do século XX, pero os temas que saen nos seus diálogos, seguen a estar de actualidade hoxe en día.

Tamén é unha nena moi graciosa, aínda que fale de cousas serias, a maneira en que as di fainos rir.

Este ano o Día Internacional da Biblioteca no noso colexio, vai estar adicado a Quino e a Mafalda; ela, os seus amigos e a súa familia, están a esperar que os coñezades.

Aquí tedes un pdf interactivo que fixo público a REDH Argentina (Red de intelectuales e artistas en defensa da humanidade- Argentina), no que podedes ver e coñecer a todas as personaxes das historias de Mafalda e tamén ler algúns dos seus libros.

Animádevos, xa veredes que paga a pena!

Protocolo de adaptación

Aquí tedes un cadro que resume as novas normas que se implantarán na nosa biblio ao porse ne marcha o  Plan de Adaptación á situación Covid-19 no curso 2020-21 no noso centro:

 Comezamos con pequenas historias:

 

RECOMENDACIÓNS LECTURAS PARA O VERÁN

Nestas vacacións, xa acabada a época do confinamento, tanto se ides á praia, como á montaña ou se quedades na casa,  os libros deben seguir sendo a vosa mellor compaña: xogos, arte, relatos, obxectos cotiáns que se volven marabillosos, amigos imaxinarios ou reais, misterios para resolver, encontros e desacordos...Todo isto e moito máis atoparedes na seguinte selección de libros que vos recomendamos para que gocedes coa súa lectura nesta época máis calorosa e soleada

Aproveitade estes días de descanso para descubrir un novo libro favorito

FELIZ VERÁN...CHEO DE LECTURAS

DEZ PIRATAS

Unha vez máis SABELA GAGO  quere agasallarvos cunha historia e con ela desexarvos que pasedes unhas FANTÁSTICAS VACACIÓNS!!.

Trátase do conto "DEZ PIRATAS", escrito por GLORIA SÁNCHEZ.

Estade moi atentos...

Deixámosvos o enlace á unha enquisa para que valoredes o funcionamento da biblioteca ao longo deste curso 2019-2020:
- VALORACIÓN FUNCIONAMENTO BIBLIOTECA ESCOLAR CURSO 2019-2020