LECTURAS PARA QUEDAR NA CASA

Lectores, como pasades estes días  nos que temos que estar na casa? O Equipo da Biblioteca quere proporvos diferentes lecturas e actividades para que fagades estes días coa vosa familia.

Así que... Non vos esquezades de ter un momento para a lectura, podédela facer sós ou coas persoas que están convosco na casa, buscade un sitio agradable, ben iluminado e... Gozade coa lectura!
Para os mais pequenos seleccionamos este conto coloreable no que se explica con claridade que é o coronavirus e o por que nos temos que quedar na casa:

No conto Rosa contra el virus coñeceredes a Rosa que vós contará cousas moi interesantes sobre o coronavirus:

No seguinte enlace atoparedes 37 libros en Pdf que podedes ler vós sós ou en compañía:

Libros para nenos

Tamén descubriredes propostas para amenizar estes días:
EU QUEDO NA CASA LENDO

Cando leades un libro non vos esquezades de cubrir a seguinte ficha e, á volta, traédeas para compartilas cos demais compañeiros:

A asociación de autores do cómic ofrécennos publicacións en formato electrónico para axudarnos a pasar estes días. Se queredes ler tebeos picade no seguinte enlace:
TEBEOS

Se queredes relaxarvos, atoparás mandalas para colorear neste enlace:

MANDALAS COLOREAR

Tamén podedes visitar estes museos estando na casa:

PINACOTECA DI BRERA-MILANO

GALLERIA DEGLI UFFIZI-FIRENZE

MUSEI VATICANI- ROMA

MUSEO ARCHEOLÓGICO. ATENE

MUSEO DEL PRADO- MADRID

LOUVRE- PARIGI

BRITISH MUSEUM- LONDRA

NATIONAL GALLERY OF ART-WASHINGTON

Para conmemorar o día das árbores ( 21 de marzo) este conto: El árbol que no tenía hojas 

Esperamos  que colaboredes todos na proposta: TODO VAI SAÍR BEN, na que debedes debuxar un arco da vella e acompañalo coa frase "todo vai saír ben", para que non vos esquezades que despois da tormenta chega a calma e a traquilidade. Debemos ser optimistas e seguro que axiña nos volvemos a ver disfrutando do cole e da biblioteca. 

Esperamos os vosos debuxos

8 DE MARZO: DÍA INTERNACIONAL DA MULLER

O día 8 de marzo celebramos o Día Internacional da Muller, un día para loitar pola igualdade, a participación e o empoderamento  da muller en todos os ámbitos da sociedade, tamén é un día  para reflexionar sobre os avances acadados,  para pedir cambios e para celebrar a valentía e a determinación de moitas mulleres que xogaron un papel clave na historia dos seus países e comunidades. Se picades no seguinte enlace atoparedes a vida de 100 mulleres que cambiaron o mundo: Historia de 100 mulleres que cambiaron o mundo.

Todos os anos se elixe un tema para celebrar esta día, este ano o tema elixido é: " Son da Xeración Igualdade. Polos dereitos das mulleres", seguindo o paso da campaña da ONU mulleres , co mesmo nome (Xeración Igualdadade) e que conmemora o 25º aniversario da Declaración e Plataforma  de Acción de Beijing (1995), a folla de ruta mais progresista para o empoderamento das mulleres e nenas de todo o mundo. Se queredes ler esta declaración picade no seguinte enlace: Declaración 2020 o
Nos seguintes vídeos faise unha breve  a historia deste día:

Para traballar a igualdade temos a seguinte unidade didáctica: Non Mais Desigualdade,  adaptada ás diferentes idades:

Nos seguintes enlaces atoparedes recursos para traballar na aula este día:

RECURSOS: 8 DE MARZO

Recursos Día internacional da muller
8 de marzo: Día da muller


O Equipo da Biblioteca fixo unha pequena selección de libros con esta temática e está á disposición de toda a comunidade educativa no corredor da entrada da Biblioteca.





Unha homenaxe ás mulleres que loitaron pola igualdade:

O seguinte video quere  lembrar   ás mulleres anónimas que non deixaron ningunha pegada nos rexistros oficiais e que sustentaron as súas familias cos materiais que portaban na súa cabeza:

FEBREIRO MES DE ROSALÍA

Xa estamos no mes de febreiro!!! Un mes que dedicamos por completo a nosa escritora máis universal: Rosalía de Castro, unha escritora que foi precursora da poesía española moderna e unha pioneira do pensamento feminista.

A Asociación de Escritores e Escritoras en Lingua Galega (AELG) propón desde o ano 2010 a Conmemoración do Día de Rosalía o 24 de febreiro, data que coincide co aniversario do nacemento da autora e proponlle á cidadanía que agasalle cun libro en galego e cunha flor ás amizades e ás persoas queridas.

Para a edición 2020 Daniel Asorey (se picades no nome coñeceredes a súa biografía) é a persoa escollida para a redacción do Manifesto da AELG que se lerá en Santiago, o 24 de febreiro, no Panteón de Galegos Ilustres.

O Equipo da Biblioteca ten preparado diferentes actividades que se desenvolverán ao longo de todo o mes.

Como todos os anos convocamos un novo Concurso de Poesía que este ano leva por título: "Gústanos coidar o Medio Ambiente"

Continuamos coñecendo a súa vida cos seguintes videos:

Tamén podedes desenvolver as seguintes actividades LIM sobre Rosalía:

Coñecendo a Rosalía

Pequena biografía

Parece unha rosa

Rosalía de Castro

Cancións sobre as súas poesías:

DÍA ESCOLAR DA NON-VIOLENCIA E DA PAZ

Cada 30 de xaneiro, coincidindo coa conmemoración da morte do líder nacional e espiritual da India, Mahatma Gandhi, desenvólvese a iniciativa da conmemoración do Día Escolar da Paz e da Non Violencia, recoñecido como tal pola UNESCO no ano 1993.

Este día todos os colexios, centros e espazos públicos, convértense en instrumentos de entendemento entre as persoas de distinta formación, raza, cultura e relixión; preténdese  reafirmar a  necesidade da educación para a tolerancia, a solidariedade, o respecto aos DDHH, a Non Violencia e a PAZ. Neste día todos alzamos a voz contra a violencia e en favor do amor, a convivencia pacífica e harmoniosa. Palabras como amizade, paciencia, tolerancia predominan nos nosos carteis nos que reivindicamos a necesidade de que a felicidade reine no noso planeta. 

Se queredes coñecer a vida e os feitos de Gandhi  para acadar un mundo sen violencia ollade este video:

O equipo da BIBLIOTECA sacou dos andeis os libros sobre esta temática e fixo unha exposición no corredor da entrada para que gocedes coa súa lectura.

O mundo en PAZ que reclamamos debe ser un mundo saudable, libre de contaminación e con perspectivas de futuro, seguindo o noso lema "Desplastifícate"faremos a nosa reclamación con tintes ambientais (materiais reciclables) esixindo solidariedade co medio que nos rodea e no que transcurren as nosas vidas. Reclamamos un mundo no que a sosteñibilidade e a harmonía abranga á natureza e aos elementos que a impregnan; mares, ríos, auga, animais e plantas.

Nos seguintes enlaces atoparedes un banco de recursos para traballar neste día:

RECOMPILACIÓN RECURSOS PARA A PAZ
RECURSOS PARA A PAZ
PROXECTO: DÍA ESCOLAR DA PAZ
ACTIVIDADES LIM: DIA DA PAZ
ACTIVIDADES INTERACTIVAS; DIA DA NON VIOLENCIA
 No seguinte video atoparedes os Premios Nobel da Paz mais populares dos últimos 50  anos: 

Disfrutade escoitando e vendo estes contos sobre a PAZ:

Algunhas cancións para celebrar este día:

CHEGA O NADAL

Xa chega O Nadal!!! Unha festa de reencontros con familiares e amigos, de compartir agasallos e de moitas celebracións cheas de ledicia e felicidade. Unha festa para vivir con intensidade todas as tradicións que se transmiten de xeracións en xeracións, de cantar panxoliñas e de renovar as ilusións e as esperanzas  que nos axuden a comezar o  Ano Novo con entusiasmo e optimismo.

Se picades no seguinte enlace atoparedes un banco de recursos con actividades sobre as festas do Nadal : Recursos educativos sobre O Nadal

Se queredes  saber máis cousas sobre o Nadal picade nas seguintes actividades LIM:

Feliz Nadal Infantil
Actividades Primaria

No seguinte video veremos o fermoso relato de Charles Dickens,  Conto de Nadal, no que se nos conta a historia dun tío e o seu sobriño na celebración das festas:

Na Biblioteca estivemos moi afaenados con obradoiros, sacando libros, colocando adornos...

Durante os recreos do mes de decembro os nenos e nenas do cole fixeron bonitos adornos con CDs para reciclar:

E así decoran a nosa árbore da entrada:

Para seguir co noso proxecto para este curso "Desplastifícate" presentamos outros vídeos para realizar adornos con botellas de plástico:

Dos andeis da biblioteca sacamos os libros coa temática do Nadal, esta é unha selección que podedes atopar no corredor da entrada e esperamos que gocedes coa súa lectura:

Disfrutade escoitando e vendo  estes videos de panxoliñas:

25 DE NOVEMBRO

 O 25 de novembro celebramos o Día Internacional da Eliminación da Violencia contra as Mulleres para denunciar a violencia que se exerce sobre a muller en todo o mundo e para reclamar políticas en todos os países para a súa erradicación.

Se queredes saber por que se elixiu este día picade no seguinte enlace: Por que o 25 de novembro?

A escola debe contribuír a errdicar esta violencia educando na igualdade opoñéndose a todo tipo de violencia tanto física como verbal,  facendo respectar os dereitos das nenas e das mulleres, fomentando unha relación afectuosa entre os seus membros e empregando modelos e mensaxes  cooperativos e dialogantes.

Este curso para sensibilizar a todo o alumnado sobre a igualdade, o respecto aos demais e a non violencia desenvólvese a I SEMANA DA DIVERSIDADE E DA IGUALDADE.

No seguinte enlace atoparedes recursos para traballar este día:

RECURSOS 25 DE NOVEMBRO

Un conto para os mais pequenos:

Vídeo para traballar o maltrato psicolóxico:

Saca un cartón vermello ao maltratador:

24 DE OUTUBRO:DIA INTERNACIONAL DAS BIBLIOTECAS

O 24 de outubro celebramos o Día Internacional das Bibliotecas, unha efeméride que se celebra desde o ano 1997 e que xurdiu  coa proposta da Asociación Española de Amigos do Libro Infantil e Xuvenil en lembranza da destrución da Biblioteca de Sarajevo, incendiada no ano 1992 na Guerra dos Balcáns. Unha efeméride que pretende dar a importancia da  biblioteca como lugar de encontro dos lectores de todas as idades coa cultura e homenaxear aos bibliotecarios como impulsores da lectura  como unha ferramenta da mellora da formación e a convivencia humana.

Con esta efeméride preténdese educar ás persoas de todas as idades sobre os valores da lectura e da cultura que se atopan nas bibliotecas e salientar o labor das bibliotecas como centros de integración e socialización que demostran decote que os libros están ao alcance de todas as persoas que desexen mergullarse entre as súas páxinas.

A edición deste ano céntrase en destacar o labor das bibliotecas na promoción da igualdade de xénero. Este é o video da súa presentación:

Para conmemorar este día o Equipo da Biblioteca pretende desenvolver a actividade: "O MEU LIBRO FAVORITO" Cada neno/nena traerá da súa casa o deu libro favorito para facerlle unha fotocopia da súa portada, despois debuxarán a súa cara nun folio e recortarán as mans que se proporcionan desde a biblioteca para facer  un mural que se exporá no corredor da biblioteca.

24 DE FEBREIRO DÍA DE ROSALÍA

A Asociación de escritores e escritoras galegos (AELG) propón desde o ano 2010 a Conmemoración do Día de Rosalía o 24 de febreiro, data que coincide co aniversario do nacemento da autora, e proponlle á cidadanía que agasalle cun libro en galego e cunha flor.

Para a edición 2019 Ana Romaní (se picades no seu nome coñeceredes a súa biografía) foi a persoa elexida para elaborar a redacción do Manifesto da AELG, que se lerá en Santiago , no Panteón  Galegos Ilustres o día 24 de febreiro; este manifesto tamén se lerá en todos os actos que programe a AELG e en todos os organizados por outras entidades que se sumen ás propostas xa sexa nos concellos ou nos centros de ensino.

O Equipo da Biblioteca sacou dos andeis os libros de Rosalía para facer unha exposición no corredor da entrada para que vós poidades disfrutar coa lectura da súa poesía.

Se queredes coñecer a súa vida ollade o seguinte video:

E se queredes  adentrarvos na súa vida e nas súas obras eiquí tendes estas actividades interactivas: 

PEQUENA BIOGRAFÍA SOBRE ROSALÍA

Actividades LIM Parece unha rosa

Actividades Lim Rosalía de Castro

Cancións sobre as súas poesías e sobre a súa vida;:

25 DE NOVEMBRO

O 25 de novembro conmemoramos o Día Internacional da Eliminación da Violencia contra a Muller, un día para denunciar a violencia que se exerce sobre as mulleres do mundo e para reclamar políticas en todos os países para a súa erradicación.

Elexiuse esta data porque foi o día 25 de novembro de 1960, na República Dominicana, cando foron asasinadas as tres irmáns Mirabal, activistas políticas, por orde do ditador Trujillo, Se queredes saber máis cousas sobre elas, picade no seguinte enlace:

POR QUE O 25 DE NOVEMBRO

A escola debe contribuír a erradicar esta violencia educando na igualdade, opoñéndose  a todo tipo de violencia tanto física como  verbal, facendo respectar os dereitos das nenas e das mulleres, fomentando unha relación afectuosa entre os seus membros e empregando modelos e mensaxes cooperativos e dialogantes.

Nos seguintes enlaces atoparedes  diferentes actividades e recursos para reflexionar, profundizar e traballar a violencia contra as mulleres:

VIOLENCIA DE XÉNERO: RECURSOS E ACTIVIDADES
CONTO E ACTIVIDADES SUPERLOLA
Unidades didácticas:

 Ollade estes vídeos sobre a violencia de xénero:

SÚPER LOLA:

Campaña nenos contra a violencia:

Sácalle un cartón vermello ao maltratador:

Cancións  contra a Violencia de xénero:

DÍA INTERNACIONAL DOS DEREITOS DO NENO

O día 20 de novembro conmemoramos o Día Universal da infancia, coincidindo co aniversario da Convención sobre os Dereitos do Neno no ano 1989. Se queredes saber máis cousas sobre este tema picade no seguinte enlace: DÍA UNIVERSAL DA INFANCIA-

É unha data que nos fai recordar que un neno non é soamente un ser fráxil que necesita protección, senón tamén unha persoa que ten dereito a ser educado, coidado e protexido dondequeira que nacera. Tamén é un día para lembrar que millóns de nenos e nenas de moitos sitios do mundo non teñen garantidos dereitos básicos como o dereito á alimentación, a non ser maltratados ou explotados entre outros.

 Se  picades no seguinte enlace atoparedes información sobre a necesidade de celebrar este día: POR QUE SE CELEBRA?

Convidámosvos a ler o Libro dos Dereitos segundo Mafalda: 




Nos seguintes enlaces atoparedes recursos para traballar neste día:
ENLACES PARA TRABALLAR OS DEREITOS DA INFANCIA
BANCO DE RECURSOS
RECURSOS DÍA  DEREITOS DO NENO
Nos corredores atoparedes murais sobre os dereitos da infancia:

murais dereitos infancia
O Equipo da Biblioteca sacou dos andeis libros sobre os dereitos dos nenos para facer a exposición á entrada da biblioteca:

libros dereitos infancia

Convidámosvos a ver os seguintes videos sobre os dereitos do neno:

OUTUBRO MES DAS BIBLIOTECAS

No mes de outubro a Biblioteca Escolar abre as súas portas e pasiño a pasiño comezaremos a desenvolver todas as actividades que vós temos programadas: club de lectura, mochilas viaxeiras, préstamo de libros, contacontos, bibliopatio, traballos de investigación e múltiples actividades de fomento da lectura e de formación para todos os usuarios. 
Desde a biblioteca seguiremos traballando para que siga sendo un centro de recursos imprescindible para toda a comunidade educativa. 

O equipo da biblioteca aposta por desenvolver desde a biblioteca todas as actividades que lle dean presenza no centro e que encandilen aos lectores e que fagan sumar usuarios que disfruten, necesiten, colaboren e usen os seus fondos.
Para comezar ollade estes videos sobre a importancia das bibliotecas:

Que é unha biblioteca?

Os nenos e as bibliotecas

Caillou vai á biblioteca

A marbillosa viaxe de Zasca á biblioteca

DÍA DO LIBRO

Achégase o Día Internacional do Libro e dos Dereitos de Autor, unha conmemoración celebrada a nivel internacional co obxectivo de fomentar a lectura. Se queredes  coñecer a historia desta data picade no seguinte enlace DÍA DO LIBRO.

- Ao longo de toda a semana celebraremos diferentes actividades para conmemorar este día: Seguindo co noso proxecto Auga, Pedra, Sabedoría e Terra en colaboración co equipo de Voz Natura faremos unha exposición de libros Antigos  na entrada do colexio.

- No corredor da biblioteca temos a vosa disposición unha selección de libros para que gocedes coa súa lectura.
- Ao longo de toda a semana os pais e nais de infantil acudirán as clases na hora de ler para contarlle e lerlle aos nenos mais cativos do cole un libro.

-  Nesta semana , coincidindo co Día Internacional da Solidaridade Interxeneracional,  os nenos e nenas de 4º de EP acudirán á Residencia Fogar de San Amaro, para acompañar ás persoas maiores cun agradable momento de lectura .  
 - O día 23 celebraremos, como todos os anos, unha actividade que a todos vos encanta: O Apadriñamento Lector, aproveitando calquera recuncho do patio os nenos dos cursos superiores leranlle libros aos máis pequenos.
Se picades no  seguinte enlace atoparedes  recursos para celebrar este día: RECURSOS
Disfrutade coa letra da canción do Día do Libtro de Paco Nogueiras: 

E coa canción interpretada por Pablo Díaz  na presentación  do libro-Disco Tic Tac:  

Ollade estes videos:

FEBREIRO, MES DE ROSALÍA

Lectores,  xa  estamos no mes de febreiro!!! Un mes que dedicamos por completo á  escritora galega máis universal: Rosalía de Castro. Unha escritora que foi precursora da poesía española moderna e do existencialismo e unha pioneira do pensamento feminista. 

 Mito e símbolo de Galicia, autora de obras  inmortais como Follas Novas ou  En las orillas del Sar, foi unha escritora innovadora e comprometida adiantada no tempo, que empregou o galego na literatura cando ninguén o facía. Nas súas obras reflicte a situación dunha Galicia maltratada e desangrada pola emigración, denunciou a pobreza dos labregos galegos  e a precaria situación laboral de moitos que estaban fóra. 

Rosalía de Castro foi unha muller singular cunha excelsa sensibilidade.

O Equipo da Biblioteca ten preparado diferentes actividades  que se irán desenvolvendo ao longo de todo o mes.

Empezaremos recordando a súa biografía
Ollando os seguintes vídeos que nos falan da súa vida:

Participando nas seguintes actividades interactivas:

BIOGRAFÍA DE ROSALÍA

COÑECENDO A ROSALÍA

Desenvolvendo a seguinte unidade didáctica na que coñeceredes moitas cousas da súa vida e da súa obra:

 Tamén lle podedes botar unha ollada aos libros sobre Rosalía que sacamos dos andeis e colocamos no corredor da Biblioteca:

rosalia2018

Este é dos seus poemas máis coñecidos:  NEGRA SOMBRA:

DIA DA PAZ E DA NON VIOLENCIA

O  próximo 30 de xaneiro  celebramos o Día Escolar da PAZ e da NON VIOLENCIA  tamén coñecido como DENIP e que se celebra en España desde o ano 1964. Neste día,  ademais de conmemorar o aniversario da morte de GANDHI ( se picades no enlace coñeceredes a súa biografía), tamén lembramos a necesidade da educación para a tolerancia, a solidariedade, o respecto aos Dereitos Humanos, á non violencia e á Paz.  Neste día os colexios convértense en instrumentos de paz e de entendemento entre persoas de distinta formación. raza. cultura e relixión.

Nos seguintes enlaces atoparedes moitas ideas para comezar a traballar na clase:

MATERIAIS DIA DA PAZ

Actividades interactivas dia Escolar da Non Violencia

Para celebrar este día  o Equipo da Biblioteca propón as seguintes actividades;

Para infantil e 1º e 2º de EP a  seguinte presentación:

Para os demais cursos de primaria o seguinte traballo de investigación

Coa axuda de todos elaboraremos o noso  Abecedario da Paz empregndo as plantillas que elaboramos.  cada clase  buscará a palabra da Paz relacionada coa letra ,  decorará a tarxeta, e todos xuntos elaboraremos o noso abecedario

Un conto para traballar  a Paz e a Non Violencia

Escoitade estas cancións   que nos falan de Paz:

O APALPADOR: UN PERSONAXE DO NADAL GALEGO

O Apalpador, tamén coñecido como o Pandigueiro na comarca de Trives, é a figura mítica orixinario das montañas do Caurel, propio do Nadal Galego.

Un ser fantástico, un xigante, de profesión carboeiro. que polas festas do Nadal, concretamente o 31 de decembro,  baixa das montañas para visitar aos máis cativos e comprobar se están ben mantidos. Pálpalles a barriga ( de aí o seu nome) para saber se comeron ben ese ano e, o día de Ano Vello, mentres eles están a durmir, déixalles de  agasallo castañas e algunha que outra sorpresa. Para coñecer a súa historia ollade estes videos:

Se picades nos seguintes enlaces atoparedes moitos recursos para coñecer moitas cousas sobre este mítico personaxe

RECURSOS O APALPADOR

O APALPADOR

ACTIVIDADES LIM

CANTIGAS DO APALPADOR