LETRAS GALEGAS 2021: XELA ARIAS

Xela Arias Castaño (Sarria 1962 – Vigo 2003) foi a personalidade literaria elexida pola Real Academia Galega RAG para protagonizar o Día Das Letras Galegas 2021. Con este nomeamento a RAG reivindica a memoria, a cultura e a lingua do pobo galego. Xela foi escritora, tradutora e profesora galega. Poeta rompedora e muller comprometida co movemento feminista, ecoloxista e pacifista.

Para coñecer a figura e a obra de Xela preparamos o seguinte documento (ALFIN):

LETRAS GALEGAS 2021: XELA ARIAS 

Cunha pequena exposición de libros sobre a súa vida e a súa obra rendimos homenaxe a XELA ARIAS e tamén á figura das mulleres ás que lles adicaron as LETRAS GALEGAS en anos anteriores: Rosalía de Castro, Francisca Herrera, María Mariño e María Victoria Moreno.  

CENTENARIO DA REVISTA NÓS

No ano 2020 pasaron moitas cousas extraordinarias no mundo... unha delas, que seguro pasou desapercibida, foi o centenario da primeira publicación da Revista Nós. Algo que esta intimamente relacionado con Ourense e coa Xeración Nós que tamén tivo as súas raices na nosa cidade. Concretamente o número 1 da revista foi publicado o 30 de outubro de 1920. 

A semana pasada, cada alumno e alumna de 5º de primaria elexiu un personaxe ou aspecto relacionado coa Revista para investigar: Castelao, Vicente Risco, Florentino Cuevillas, a revista, a Xeración...  foron algún dos temas escollidos.

"Unha vez recollida a información, realizamos un coloquio conxunto onde os rapaces e rapazas fomos expoñendo as nosas averiguacións e opinións. 

Para rematar de profundizar no tema, o 9 de marzo fixemos unha visita virtual á exposición que fisicamente se atopa no centro cultural Marcos Valcárcel da nosa cidade. Para iso contamos coa axuda de Tatiana Feijoo, que foi a encargada de guiarnos de maneira virtual pola exposición: "Galicia, de Nós a nós". Ela puxo a proba os nosos coñecementos con moitas preguntas. Pero tamén descubriunos: o nacemento dos xornais galegos e a súa vinculación coa revista, se había mulleres que colaboraban coa revista, de onde sacaba as ideas das portadas Castelao e mil cousas máis...

Merece a pena! Se podedes, ide a visitala!" 

Nestas fotos vedes algúns momentos da visita virtual e da charla con Tatiana:

Se queredes ter máis información sobre a Revista, a Xeración Nós e ver todos os números publicados, premede no seguinte enlace:

REVISTANOS.GALICIANA.GAL

ENCONTRO CON ANTÍA YÁÑEZ

Fai, máis ou menos, dous meses chegaron as nosas mans os libros cos que íamos participar nos ENCONTROS CO AUTOR/A  deste ano. En canto comezamos a ler "PLAN DE RESCATE" de ANTÍA YÁÑEZ, que por certo está na biblioteca do centro, cautivounos... "profe é divertidísimo", "e... aparecen "tacos", "profe eu xa o lin en dous días", "encántame a parte das escopetas", ¨´lese rapídísimo"... 

O tema de que uns nenos da aula de apoio se convertesen en rescatadores dun secuestro no colexio tamén lles encantou. 

Despois investigamos algo sobre a autora, saber que era galega e que xogaba ao Among Us (un dos videoxogos preferidos dos alumnos de 5º) fixo que non pensaran máis que en coñecela. E ao final chegou o día, estaban moi nerviosos, pero a visita de Antía non os defraudou, deixou de lado a presentación que tiña preparada e dedicouse a contestar todas as preguntas que tiñamos sobre o libro, sobre o proceso de elaboralo, sobre ela, sobre como comezou a escribir... soupolles a pouco. Se puidesen quedarían con ela toda a mañá. Así que só nos queda repetir desde aquí: grazas polo libro e pola visita!

Este é o libro que lemos:

PLAN DE RESCATE gañou o III Premio Agustín Fernández Paz pola Igualdade 2020. "Conta as aventuras de Xeila, Heitor, Aldán e Noela mentres traballan na aula de apoio da súa escola. Oen un estrondo, e a profesora, Xoana, desaparece cando que vai comprobar que pasou. Onde estará? E o resto do colexio? Por que anda a policía fóra?"

E estes son outros libros de Antía Yáñez. Animádevos a coñecelos!:

PABLO NOGUEIRA E A BANDA DE RAIMUNDA

O 27 de febreiro novamente recibimos na nosa biblioteca a visita do escritor PABLO NOGUEIRA. Esta vez quixo compartir un dos seus libros, concretamente "A BANDA DE RAIMUNDA", cos "rockeiros" e "rockeiras" de 2º de primaria. E dicimos rockeiros e rockeiras porque así viñeron vestidos para a ocasión: chaquetas de coiro, guitarras, teclados, gafas e ata perrucas trouxeron algúns deles. 

Da voz de Pablo escoitaron e compartiron interactuando a historia da ra Raimunda:

"A ra Raimunda ten a ilusión de formar un grupo de rock. Gústalle tocar a guitarra e cantar cancións que movan a xente á alegría, pero non sabe tocar e da súa gorxa só bule "croa, croa, croa". 

Coa axuda do oso Afonso e a súa batería, do mono de cor violeta Farruco e o seu piano, do caracol Sibemol e o seu saxofón, do esquío Uxío e o seu contrabaixo e do orgulloso sapo Eliseu e a súa  potente voz, consegue formar un equipo que respecta a diferenza e defende a solidariedade e igualdade entre as nenas e os nenos. Ela será a voa feminina dunha  espectacular banda de rock and roll".

(Sinopse extraída da páxina web de Baía Edicións). 

Os nenos e nenas déronlle a Pablo os debuxos que fixeran sobre a historia de Raimunda e el asinoulles de maneira personalizada o seu libro a cada un deles. 

Coma sempre foi unha estupenda xornada de achegamento, de compartir co propio autor unha das súas obras e de coñecer outros datos sobre el e a súa obra. Ao final ata unha nena fixo de presentadora e realizoulle unha pequena entrevista!

ENCONTRO CON PABLO NOGUEIRA.

Coma sempre, grazas Pablo e esperamos verte de novo compartindo connosco algunha das túas historias!.

ENCONTRO CON HÉCTOR CAJARAVILLE

O 7 de febreiro foi un día moi interesante para os alumnos e alumnas de 5º de Educación Primaria que acudiron ao Liceo de Ourense para coñecer ao escritor Héctor Cajaraville. Previamente a este encontro xa leran un dos seus libros, concretamente, KUSUMA, que acadou o Premio Merlín de Literatura Infantil 2018.

O autor explicoulles como xurdira a idea de escribir KUSUMA, o seu significado, o por que de escribir de forma fabulada unha historia con problemas reais de hoxe en día: os refuxiados, os inmigrantes, a forza da comunidade, os estragos á natureza... 

Despois da súa narración, contestou a todas as preguntas que os rapaces e as rapazas lle fixeron sobre o seu libro e a súa forma de escribir e contar historias.

Tamén lles comentou que lle quedaran cousas pendentes nesta obra e que estaba contemplando a posibilidade de escribir unha segunda parte... 

Ao final asinoulles o exemplar do seu libro que levaba cada un deles cunha dedicatoria personalizada. 

Resultou un encontro moi entrañable e  que os rapaces e rapazas recordarán durante moito tempo pola atención, familiaridade e cariño con que Héctor os tratou. Agora esperan impacientes que se anime a escribir unha segunda parte!.  

ENCONTRO CO AUTOR: HÉCTOR CAJARAVILLE by Slidely Photo Gallery



Deixámosvos a reseña que a editorial Xerais fai sobre KUSUMA:

E por se queredes coñecer máis obras deste autor, aquí tedes outros libros que escribiu para público infantil e xuvenil:

 

CONTACONTOS: PABLO NOGUEIRA E NUBE BRANCA

O día 28 tivemos unha visita moi especial na nosa biblioteca: o escritor PABLO NOGUEIRA veu contarnos a historia de NUBE BRANCA QUERE SER ASTRONAUTA!!.

Os nenos e nenas de 1º e os pequerrech@s de infantil de 4 e 5 anos estiveron preparando con antelación esta visita e esperaban con moitas gañas a Pablo.

Ata preparamos un tipi, xa sabedes, esas "casiñas" onde viven os indios, porque NUBE BRANCA era unha nena india moi especial e os nenos e nenas querían ver como era a súa casa e meterse nela para escoitar e ler historias como a súa.

Chegou Pablo e contounos a historia de NUBE BRANCA e a dos amigos que quixeron axudala, o ELEFANTE CACHARRANTE, o CAMALEÓN ANTÓN, a TARTARUGA CLARISA...  a cumprir os seus desexos de ser unha astronauta e coñecer as estrelas do ceo. Pablo fixo que todos e todas sopraran para axudar ao ELEFANTE CAHARRANTE a espirrar coa súa gran trompa e tratar de achegar a NUBE BRANCA ao ceo, tamén fixo que axudaran a acender a moto coa que intentarían achegarse ás estrelas, e ata repetiron as palabras máxicas para invocar a choiva que inundaría todo para poder navegar, chegar ao mar e quizais así NUBE BRANCA podería alcanzar por fin o seu desexo...

CONTACONTOS: PABLO NOGUEIRA E NUBE BRANCA by Slidely Photo Gallery

Xa de volta da aventura que acababan de vivir, os nenos e nenas entregáronlle a Pablo uns agasallos que prepararan para el con moito cariño:

Os maiores de 1º déronlle un libro onde plasmaron os seus soños: policía, veterinario, médico, rapeiro... se NUBE BRANCA os coñecera seguro que os animaría a cumprilos como intentou ela cos seus. 

Os pequen@s de 4 anos debuxaron a historia de NUBE BRANCA e os seus amigos e tamén debuxaron a Pablo e a eles mesmos. Están feitos uns artistazos!!. Pablo quedou encantado con estes agasallos!!

SEGURO QUE A NUBE BRANCA TAMÉN LLE ENCANTARÍA O LIBRO SOBRE OS SEUS SOÑOS!!

NUBE BRANCA VISTA POLOS NEN@S DE 4 ANOS 

      E MIRADE COMO PLASMARON OS NEN@S DE 1º OS SEUS!!

Pero Pablo aínda tivo outro agasallo: O SEU RETRATO, fíxollo Antón de 4 anos, e a verdade... Dálle un certo parecido, Pablo quedou encantado!!. 

E para rematar, Pablo asinou un montón de libros para os nenos e nenas, tamén para as profes, cunhas dedicatorias moi especiais  e feitas con moito cariño. 

MIRADE O QUE ESCRIBIU PABLO SOBRE A SÚA VISITA NAS REDES SOCIAIS:

MOITAS GRAZAS PABLO, ESPERAMOS VERTE MOI PRONTO CONTÁNDONOS OUTRA DAS TÚAS MARABILLOSAS HISTORIAS. 

ENCONTRO CON LEDICIA COSTAS

O xoves 2 maio recibimos na nosa biblioteca unha visita moi especial: nin máis nin menos que a famosa escritora LEDICIA COSTAS!!. Veu conversar sobre a súa obra cos alumnos e alumnas de 5º e 6º de Educación Primaria, os cales acababan de ler recientemente un dos seus libros: AS PERIPECIAS DE EXTRAVAGANZZA PÉREZ e con anterioridade xa leran ESCARLATINA, A COCIÑEIRA DEFUNTA. 

Ledicia explicoulles en que se inspiraba para escribir as súas historias, as vivencias que reflictía na súa obra, faloulles das súas personaxes... e fíxolles preguntas sobre os seus libros. A súa vez os nenos e nenas fixéronlle tamén unha morea de preguntas e realizaron comentarios ao que ela lles ía contando.

Ao rematar asinoulles e adicoulles a cada un deles un exemplar do seu libro.  

Foi todo un luxo contar coa presenza de LEDICIA e escoitar na súa voz como crea as súas historias!!. Esperamos ler pronto algunha das súas novas obras!. 

ENCONTRO CON LEDICIA COSTAS by Slidely Photo Gallery

Deixámosvos un enlace a súa páxina web para coñecer máis detalle da vida e obra desta interesante e magnífica escritora:

-LEDICIA COSTAS 

ENCONTROS CO AUTOR:: ANXO FARIÑA

Hola lectores e lectoras!

 Os nenos e nenas dos clubes de lectura estivemos a voltas co libro “Megatoxos e o aprendiz de druída”. Esta é unha novela fantástica, moi divertida e aventureira que fala das viaxes no tempo. 

Fíxonos PENSAR sobre que pasaría se cambiásemos o noso futuro e sobre a importancia da historia na nosa vida.

Desta vez foi unha lectura un tanto especial, porque o venres 4 de maio tivemos no cole a visita do seu autor,  ANXO FARIÑA, escritor e ilustrador de Vigo.

 Anxo respostou ás nosas inquedanzas sobre o complexo mundo da escritura. Explicounos o proceso de creación dunha historia, acompañada de ilustracións. Así decatámonos do duro traballo que hai detrás dunhas páxinas.

Ademáis, como sorpresa, fíxonos dous debuxos: un deles sobre unha personaxe da novela, e outro máis personalizado, da nosa compañeira Lola! Quedamos abriados da rapidez co que o fixo.  Deunos uns truquiños para debuxar e puxémonos mans á obra!

De todo quedámonos coa idea de que pódese facer unha historia de calquera cousa, só hai que poñer as nosas cabezas a cavilar e deixarnos levar pola imaxinación.

Esta é unha pequena mostra da súa visita:

Nieves Rodriguez Vazquez de Slidely by Slidely Slideshow

CONVERSA CON LEDICIA COSTAS!

O pasado venres 26 de xaneiro os membros dos clubs de lectura tivemos o gran privilexio de ter unha charla coa escritora Ledicia Costas. Empregando o Skype, puidemos falar con ela e facerlle un milleiro de preguntas coma bos xornalistas.

Foi unha conversa moi divertida e interesante, onde nos contou anécdotas dos seus libros e sobre todo nos falou do traballo como escritora que tanta curiosidade nos suscitaba! Onde buscas a inspiración? Canto tardas en escribir un libro? Que hai que estudar para ser escritora? etc etc. Porque malia que semella sinxelo, é un traballo arduo e intenso.

Xa temos por aquí pequenos escritores en potencia motivados a porlle palabras ao que pasa pola súa imaxinación!

Deixámosvos algunha foto do encontro!

Nieves Rodriguez Vazquez de Slidely Gallery by Slidely Photo Gallery

ENCONTRO CO AUTOR MANOLO RIVAS

O 7 de febreiro os alumnos e alumnas de 5º de Educación Primaria acudiron ao Liceo da nosa cidade para participar na actividade promovida polo Concello de Ourense: ENCONTROS CO AUTOR.O principal obxectivo desta actividade de animación á lectura é o de poñer en contacto directo aos nenos e nenas cos autores e ilustradores de libros infantís, para que coñezan de primeira man o seu traballo. 

Esta vez o encontro foi co famoso escritor, poeta, ensaísta e xornalista galego Manuel Rivas, que ademais de libros para adultos, tamén ten varios títulos para o público infantil e xuvenil.

Os rapaces e rapazas leron e traballaron nas aulas o seu libro Bala Perdida. "Bala Perdida é o derradeiro pirata do Atlántico Norte, un capitán escrupuloso que anda acompañado dun corvo e dun grupo de bravos mariñeiros. Para resolver unha misteriosa abordaxe na máxica Costa da Morte, Bala Perdida busca a axuda dunha moza xornalista que só dá noticias bonitas." (sinopse extraída da páxina web da Editorial Xerais).

O día do encontro, ademais de escoitar as palabras do autor sobre o seu libro, o proceso de creación do mesmo... houbo unha charla-coloquio no que os rapaces participaron activamente facéndolle gran variedade de preguntas ao escritor. Ao final este asinou exemplares do seu libro.

ENCONTRO CON MANOLO RIVAS by Slidely Photo Gallery

Destacar que tras o encontro Rivas defendeu o papel da literatura e da escola na formación das novas xeracións e reivindicou o papel do libro neste proceso. "Nestes tempos nos que parece que hai unha obsesión por meter nas aulas as novas tecnoloxías. Para min a gran revolución pedagóxica sería situar á biblioteca no centro xeográfico da escola".

No seguinte enlace podedes ler a nova no xornal La Región 

E no seguinte vídeo emitido pola cadea de televisión local TELEMIÑO tamén dan conta da actividade (ollo!! descubride onde se atopan sentados os nosos alumnos e alumnas).