miércoles, 22 de mayo de 2019

FESTIVAL LETRAS GALEGAS 2019

O 16 de maio realizamos no centro un pequeno festival para honrar a nosa lingua e a nosa cultura e en especial para recordar a figura de ANTONIO FRAGUAS FRAGUAS, autor ao que se lle dedican este ano 2019  o DÍA DAS LETRAS GALEGAS. 
No festival comezamos cunha pequena presentación sobre o autor, a súa vida e a súa obra e ao longo do mesmo, entre outras actuacións, intercaláronse cantigas do seu Cancioneiro de Cotobade e a famosa peza do Casamento da Pulga.
Na seguinte presentación podedes visualizar a maioría das actuacións:


(premede nos símbolos e pasade as diferentes páxinas)

lunes, 13 de mayo de 2019

LETRAS GALEGAS 2019: ANTÓN FRAGUAS


O historiador e xeógrafo Antón Fraguas foi a personalidade literaria elexida pola Real Academia Galega RAG para protagonizar o Día Das Letras Galegas 2019. Con este nomeamento a RAG reivindica a memoria, a cultura e a lingua do pobo xa que, seguindo as palabras de Freixanes, foi unha das persoas que "máis tempo se dedicou a recoller, sistematizar e coñecer esta riqueza". Figura referente  do Galeguismo xa non só polo seu talante ético de defensa permanente do galego, senón pola súa capacidade para transmitir estes sentimentos a todo o mundo.
Se picades no seguinte enlace atoparedes toda a información da súa vida e obra BIOGRAFÍA E BIBLIOGRAFÍA ANTONIO FRAGUAS
Os rapaces do CPI Plurilingüe Dos Dices elaboraron este telexornal para achegarnos á figura homenaxeada no Dia das Letras Galegas:


Os alumnos do IES Concepción Arenal elaboraron o seguinte video:
Nos seguintes enlaces atoparedes recursos para coñecer a este gran personaxe:
PRIMAVERA DAS LETRAS (actividades de investigación, bibliografía e actividades interactivas)

O equipo da Biblioteca en colaboración co Equipo de Dinamización da Lingua Galega, co Equipo de Voz Nature e co das TICs elaboraron estes traballos de investigación para 3º, 4º, 5º e 6º EP


Para Infantil, 1º e 2º EP

sábado, 11 de mayo de 2019

SESIÓNS DE CONTACONTOS CON SABELA GAGO

Se fai uns días Sabela estivo no noso centro para realizar unha sesión de contacontos cos pequenos e pequenas de educación infantil, o pasado 10 de maio volveu para realizar dúas novas sesións: unha para o alumnado de 1º e 2º de primaria e outra para o alumnado de 3º e 4º de primaria. 
Unha vez máis volveu engaiolar a todos cos súas historias cheas de maxia, misterio e aventura. 
Primeiro fixo que os nenos e nenas de 1º e 2º de primaria viaxaran coa súa imaxinación ao mundo de Martín e Federico... nesta viaxe sorriron, berraron, expresaron as súas emocións e sentimentos grazas ao bo facer de Sabela que interactuando con todos eles lles fixo ver a importancia da imaxinación,
Aos alumnos e alumnas de 3º e 4º de primaria contoulles unha historia coa que aprenderon que cada un de nós é único e especial. Tres galiñas pelexan por ser a máis fermosa do galiñeiro, ao final cada unha delas resulta que ten algo distinto e especial diferente dos demais e que a fai única...

jueves, 9 de mayo de 2019

NOVAS LECTURAS

Fátima, a mamá de Teo de 5º de Infantil, acudiu á biblioteca para desenvolver cos nenos de 5º  e de 6º de Educación Infantil dúas sesións de lectura nas que lles contou a historia da Bruxa mala. 
Folla a folla foi contando  e interpretando as accións tan perversas que facía esta bruxa;  pero  tamén lles contou que ela coñecía a bruxas moi boas que facían pócimas para axudarlle á xente, Trouxo herbas, e o alambique co que fa os perfumes, os nenos estaban impresionados e prestaron moita atención a todos os consellos que ela lles foi dando, colleron as plantas, cheiraron os perfumes, fixeron preguntas.... Qedaron encantados coa súa interpretación!
Moitas grazas por facer que os nenos se emocionen coa lectura!!


Nieves Rodriguez Vazquez de Slidely Gallery by Slidely Photo Gallery

domingo, 5 de mayo de 2019

ENCONTRO CON LEDICIA COSTAS

O xoves 2 maio recibimos na nosa biblioteca unha visita moi especial: nin máis nin menos que a famosa escritora LEDICIA COSTAS!!. Veu conversar sobre a súa obra cos alumnos e alumnas de 5º e 6º de Educación Primaria, os cales acababan de ler recientemente un dos seus libros: AS PERIPECIAS DE EXTRAVAGANZZA PÉREZ e con anterioridade xa leran ESCARLATINA, A COCIÑEIRA DEFUNTA
Ledicia explicoulles en que se inspiraba para escribir as súas historias, as vivencias que reflictía na súa obra, faloulles das súas personaxes... e fíxolles preguntas sobre os seus libros. A súa vez os nenos e nenas fixéronlle tamén unha morea de preguntas e realizaron comentarios ao que ela lles ía contando.
Ao rematar asinoulles e adicoulles a cada un deles un exemplar do seu libro.  
Foi todo un luxo contar coa presenza de LEDICIA e escoitar na súa voz como crea as súas historias!!. Esperamos ler pronto algunha das súas novas obras!. 


ENCONTRO CON LEDICIA COSTAS by Slidely Photo Gallery

Deixámosvos un enlace a súa páxina web para coñecer máis detalle da vida e obra desta interesante e magnífica escritora:


lunes, 29 de abril de 2019

SEMANA DO LIBRO

Para conmemorar o Día do Libro e dos Dereitos de Autor no colexio desenvolvéronse diferentes actividades:
1- Os pequenos e pequenas de 4º de Infantil levaron á Biblioteca as latas onde xermiñan os carballos que estiveron sementando fai uns días e alí  recibiron a Xosé e a súa dona (os avós  da súa compañeira Sara).
Recitoulles un  fermoso poema que el lle escribira  a un  carballo.  Despois faloulles do feliz que era no seu pobo coidando as cen árbores froiteiras que ten na súa finca, plantando leitugas e tomates coa súa neta, escoitando aos paxaros. Explicoulles como se plantan as árbores e os nenos tamén lle contaron as súas experiencias agrícolas, como sementaban as patacas, os allos e os chícharos. Foi unha experiencia moi emotiva e enriquecedora para todos. 



2- Os nenos e nenas de 3º de Primaria tamén escoitaron o poema de Xosé  e mantiveron con el unha charla sobre o mundo das árbores.  Coa sabedoría que dan os anos e a experiencia foilles contando anécdotas da súa vida, do seu traballo na sega de Castela, as súas experiencias en Alemaña.
Faloulles da importancia de coidar os montes e de como as árbores foran unha fonte de riqueza nos tempos pasados.

Para ilustrar o que lles estaba contando quíxolles ler unha proclama que el escribira, como non tiña os lentes, Marcos ofreceuse voluntariamente para lerlle  aos nenos a proclama que el fixera, nela falaba que coa árbores facíanse as trabes das casas, os carros e os arados, os mobles e utensilios e  de como se convertían en cartos, vendendo a súa madeira, cando había necesidades. Animounos a coidar e a disfrutar dos montes.

Slidely Photo Gallery



3- Os nenos e nenas de 5º de infantil despois de ver o vídeo "O Quixote para nenos" no que coñeceron a Don Quixote, a Sancho Panza, a  Dulcinea e a Rocinante:  


Desenvolveron un obradoiro no que elaboraron estes fermosos marcapáxinas:




4- VI Apadriñamento lector
Un ano máis os padriños e madriñas colleron aos seus afillados e na hora de ler contáronlles un conto. Cada parella elexiu a zona do patio do colexio que máis lles gustou: na pequena carballeira, na zona de xogos ou simplemente sentados na herba do xardín... alí gozaron deste momento tan especial onde non só se comparten libros e historias, tamén ledicia, amizade e cariño. 


APADRIÑAMENTO LECTOR 2019 by Slidely Photo Gallery

martes, 23 de abril de 2019

DIA INTERNACIONAL DO LIBRO

Coma todos os anos o día 23 de abril celebraremos o Día Internacional do Libro e do Dereito do Autor. Unha conmemoración que se celebra en todo o mundo desde os principios do século XX. Se queredes coñecer por que se celebra esta este día picade no seguinte enlace: DÍA DO LIBRO: POR QUE SE CELEBRA O 23 DE ABRIL?
Para celebrar este día desde a Biblioteca temos preparadas  moitas e variadas actividades que desenvolveremos ao longo de toda a semana:
-VI Apadriñamento lector
- Relatos de historias contadas polos avós e polos pais e nais dos nosos alumnos
- Elaboraremos a árbore dos libros.
Nos seguintes enlaces atoparedes recursos para celebrar este día:



Como en anos anteriores a Consellería de Educación, Universidade e Formación Profesional editou un díptico para conmemorar este día  e para elo acudiu á poeta, narradora, profesora e académica Marilar Aleixandre quen xenerosamente cedeu un poema para esta pequena peza de difusión do Día do Libro sobre a lectura coma unha viaxe ao fondo das preguntas. Se queredes coñecer o texto picade no seguinte enlace: DÍA MUNDIAL DO LIBRO 2019

Ollade estes vídeos para o fomento da lectura  no Día Internacional do Libro:







sábado, 20 de abril de 2019

A FÓRMULA DAS EMOCIÓNS

O pasado 12 de abril tivemos no cole un taller sobre emocións para o alumnado de 1º, 2º e 3º de Educación Primaria, taller impartido pola doutora en intelixencia emocional Lisa Maneiro. 
Considérase o pai da intelixencia emocional ao psicólogo Daniel  Goleman que publicou en 1995 o libro "A INTELIXENCIA EMOCIONAL" e que marcou un antes e un despois na comprensión das distintas intelixencias. Na escola sempre se traballou a intelixencia racional, descoidando as emocións e a súa xestión. 
O concepto de intelixencia emocional fai referencia á capacidade para recoñecer os sentimentos propios e alleos para obter determinados fins. Para Goleman a intelixencia emocional implica cinco capacidades básicas: descubrir as emocións e sentimentos propios, recoñecerlos, manexarlos, crear unha motivación propia e xestionar as relacións persoais.  
No taller realizado no centro a doutora Lisa Maneiro, mediante contos e xogos, tratou de que os nenos e nenas comprenderan como manexar as emocións que nos xorden en distintas situacións da vida, como afrontar os fracasos ...como a clave é a actitude, aprender dos erros, pensar sempre en positivo, a confianza, a meditación, saber vivir e non facer sufrir. 


A fórmula das emocións by Slidely Photo Gallery

Deixámosvos dous enlaces moi interesantes para coñecer máis sobre este tema:

 

viernes, 12 de abril de 2019

CONTACONTOS CON SABELA


Menuda sorpresa levaron todos os nenos de infantil!!! Cando baixaron ao salón de actos... estaba  agardando por eles Sabela Gago para desenvolver, por cortesía da Editorial SM, unha sesión de contacontos.
Esta vez, dunha maneira lúdica e interactiva, fixo unha adaptación do libro: "Martín e o lapis máxico",  dunha maneira maxistral fíxolles ver aos nenos que deixando voar a  imaxinación e cun lapis poden divertirse e  facer multitude de xogos para nunca sentirse sós.

Foi unha experiencia moi divertida e interesante que estamos desexando volver repetir.



Nieves Rodriguez Vazquez de Slidely Gallery by Slidely Photo Gallery